han muyassar jo tawaf-e-dar-e-jaanan ho jae

haañ muyassar jo tavāf-e-dar-e-jānāñ ho jaa.e

sirf fariyād meñ kyuuñ 'umr gurezāñ ho jaaye

us meñ bas jaa.e agar rū-e-mohammad kī bahār

rashk-e-sad tuur hamārā dil-e-vīrāñ ho jaaye

shauq-e-dīdār meñ us nargis-e-jādū kā shahīd

chāhtā hai hama-tan dīdan-e-hairāñ ho jaa.e

jab ho tum pesh-e-nazar ḳhud hī batāo kyuuñ kar

muḳhtasar ab gila-e-tañgī-e-dāmāñ ho jaa.e

maiñ huuñ vo kushta-e-ġham jis kī hayāt ai 'fazlī'

panja-e-maut se bhī dast-o-garebāñ ho jaa.e

han muyassar jo tawaf-e-dar-e-jaanan ho jae

sirf fariyaad mein kyun 'umr gurezan ho jaye

us mein bas jae agar ru-e-mohammad ki bahaar

rashk-e-sad tur hamara dil-e-viran ho jaye

shauq-e-didar mein us nargis-e-jadu ka shahid

chahta hai hama-tan didan-e-hairan ho jae

jab ho tum pesh-e-nazar KHud hi batao kyun kar

muKHtasar ab gila-e-tangi-e-daman ho jae

main hun wo kushta-e-gham jis ki hayat ai 'fazli'

panja-e-maut se bhi dast-o-gareban ho jae