pawe kis tarah koi kis ko hai maqdur hamein
paave kis tarah koī kis ko hai maqdūr hameñ
le gayā ishq tirā khīñch bahut duur hameñ
sub.h kī raat to ro ro ke ab aa ai be-mehr
roz-e-raushan ko dikhā mat shab-e-daijūr hameñ
rabt ko chāhiye yak nau kī jinsiyyat yaañ
chashm-e-bīmār use hai dil-e-ranjūr hameñ
baat gar kiije to hai banda-navāzī varna
dekhnā hī hai faqat aap kā manzūr hameñ
ulfat us shoḳh kī chhūTe hai koī jīte-jī
rakkho is pand se ai nāseho ma.azūr hameñ
pī hai mai raat ko yā jaage ho tum kuchh to hai
āñkheñ aatī haiñ nazar aaj to maḳhmūr hameñ
yahāñ se 'bedār' gayā vo mah-e-tābāñ shāyad
nazar aatā hai ye ghar aaj to be-nūr hameñ
pawe kis tarah koi kis ko hai maqdur hamein
le gaya ishq tera khinch bahut dur hamein
subh ki raat to ro ro ke ab aa ai be-mehr
roz-e-raushan ko dikha mat shab-e-daijur hamein
rabt ko chahiye yak nau ki jinsiyyat yan
chashm-e-bimar use hai dil-e-ranjur hamein
baat gar kije to hai banda-nawazi warna
dekhna hi hai faqat aap ka manzur hamein
ulfat us shoKH ki chhuTe hai koi jite-ji
rakkho is pand se ai naseho mazur hamein
pi hai mai raat ko ya jage ho tum kuchh to hai
aankhen aati hain nazar aaj to maKHmur hamein
yahan se 'bedar' gaya wo mah-e-taban shayad
nazar aata hai ye ghar aaj to be-nur hamein
- Book : Diwan-e-Bedar Edited: Mohammad Husain Mahwi (Pg. 177)
- Author : Meer Mohammad 'Bedar'
- Publication : Shahi Press Tizlipkian, Madras (1935)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
