جگر میں درد ترا خود ہی پال رکھا ہے

جگر میں درد ترا خود ہی پال رکھا ہے

کہ تیرے عشق میں ایسا کمال رکھا ہے

نہ خوف دنیا کا مجھ کو نہ خوف عقبیٰ کا

ہمیشہ دل میں تمہارا خیال رکھا ہے

تنزلی کا بھلا ہم بھی رونا کیا روتے

کہ ہر کمال کے پیچھے زوال رکھا ہے

بغیر دیکھے انہیں دل ذرا نہیں لگتا

نہ جانے کون سی عادت کوپال رکھا ہے

بچھا کے رکھی ہیں پلکیں تمہاری راہوں میں

تمہارے واسطے دل بھی سنبھال رکھا ہے

زمانے بھر کی نگاہوں سے دور رہتا ہوں

حیا کو میں نے حفاظت سے پال رکھا ہے

بکھر کے رہ گیا ہوتا میں آج اے عنبرؔ

نہ جانیں کس کی دعا نے سنبھال رکھا ہے