shan-e-wafa to hai agar kar-e-wafa na ho saka

shān-e-vafā to hai agar kār-e-vafā na ho sakā

sar ko jhukā.e rakh agar sajda adā na ho sakā

tere karam se faizyāb kaun gadā na ho sakā

ye to mirā nasīb hai merā bhalā na ho sakā

apnī nazar se pūchh le mere jigar se pūchh le

terā bhī aaj tak koī mere sivā na ho sakā

qalb-e-fareb-e-kHurda ko phir bhī hai us kā e'tibār

jis kā ki aaj tak koī vā'da vafā na ho sakā

‘nakHshab-e-khasta-hāl ne koshisheñ kiiñ hazār-hā

phir bhī ḳhayāl-e-husn-e-dost dil se judā na ho sakā

shan-e-wafa to hai agar kar-e-wafa na ho saka

sar ko jhukae rakh agar sajda ada na ho saka

tere karam se faizyab kaun gada na ho saka

ye to mera nasib hai mera bhala na ho saka

apni nazar se puchh le mere jigar se puchh le

tera bhi aaj tak koi mere siwa na ho saka

qalb-e-fareb-e-kHurda ko phir bhi hai us ka e'tibar

jis ka ki aaj tak koi wa'da wafa na ho saka

‘nakHshab-e-khasta-haal ne koshishen kin hazar-ha

phir bhi KHayal-e-husn-e-dost dil se juda na ho saka