یہ فسانہ رنج محفل کے سوا کچھ بھی نہیں

یہ فسانہ رنج محفل کے سوا کچھ بھی نہیں

یعنی اب خاکستر دل کے سوا کچھ بھی نہیں

جادۂ الفت کا یہ صبر آزما عالم نہ پوچھ

ہر قدم پر غم کی منزل کے سوا کچھ بھی نہیں

ان کی خلوت گاہ بھی ہے ان کی جلوت گاہ بھی

وسعت کونین میں دل کے سوا کچھ بھی نہیں

ذرے ذرے میں ہیں رنگا رنگ بزم آرائیاں

دونوں عالم تیری محفل کے سوا کچھ بھی نہیں

جلوۂ مطلق کا پرتو ہے یہ ساری کائنات

ہر طرف اک حسن کامل کے سوا کچھ بھی نہیں

شکوۂ بے چارگی میکشؔ کسی سے کیا کریں

عشق جب محرومیٔ دل کے کچھ بھی نہیں