ہم اپنے گھر سے نکل کر کہاں کو جائیں گے

ہم اپنے گھر سے نکل کر کہاں کو جائیں گے

عدو کے واسطے ہم اپنا گھر سجائیں گے

بلا کے لائیو خوابوں سے ڈرنے والوں کو

ہم آج خواب کی تعبیر بھی بتائیں گے

ہمارے دل پہ بس اک بار ہاتھ رکھ کے کہو

تمہارے نام کی دھڑکن کسے سنائیں گے

وہی تو ظرف ہے اپنا ابھی تلک جاناں

کسی نے دل بھی دکھایا تو مسکرائیں گے

وہ ہم سے خار بھی مانگیں تو پھول دیں گے ہم

کسی کی راہ میں کانٹے نہیں بچھائیں گے

اگر یہ جنگ ہے اپنوں کے درمیاں تو سنو

ہم اس میں جیت بھی جائیں تو ہار جائیں گے

وفا کی راہ میں شایاںؔ چلنے والوں کو

یہاں کے لوگ تو ظالم ہیں پھر ستائیں گے