مگر اس گلکدہ میں ایک نئی ایجاد ہوتی ہے

مگر اس گلکدہ میں ایک نئی ایجاد ہوتی ہے

حواس و ہوش کی جس سے فضا برباد ہوتی ہے

ہزاروں مشکلیں گرد اس کے گھیرا ڈال دیتی ہیں

یہاں راتیں گنہگاری کا ڈیرا ڈال دیتی ہیں

جہنم بن کے یہ فردوس بالآخر ڈراتی ہے

یہ کشتی اس حسیں طوفاں میں گھر کر ڈوب جاتی ہے

کنارے اس حسیں دنیا کے اور آباد ہے دنیا

یہ دنیا غم کی دنیا سر بسر فریاد ہے دنیا

یہیں پر آکے رشتہ ٹوٹتا ہے زندگانی کا

اسے کہتے ہی پیری دورِ آخر ہے جوانی کا

یہاں آکر عدم آباد کی راہیں نکلتی ہیں

یہاں کی رہنے والی ہستیاں کاندھوں پہ چلتی ہیں