دلم ربودہ لولی وشیست شور انگیز

میرا دل ایک مطربہ صفت شور انگیز کا اچکا ہوا ہے

جو وعدہ خلاف اورقاتل وضع اور رنگ آمیز ہے

حسینوں پر اور چاک لباس پر قربان ہوں

تقوے کے ہزار لباس اور پرہیز گاری کی گدڑیاں

فرشتہ نہیں جانتا کہ عشق کیا ہے، قصے نہ سنا

شراب کا جام لا، آدم کی خاک پر ڈال دے

میں ان باتوں کا عاشق ہوں جو آگ بھڑکا دیں

نہ اس کا جو باتوں میں تیز آگ پر ٹھنڈا پانی چھڑکے

تیرے دربار میں فقیر اور خستہ ہوکر آیا ہوں، کچھ رحم کر

تیری دوستی کے علاوہ میرے پاس کوئی دستاویز نہیں ہے

آجا اس لیے کہ شراب خانہ کے ہاتف نے کل مجھ سے کہا ہے

کہ رضا کے مقام پر رہ اور قضا وقدر سے نہ بھاگ

اپنے بازؤں پر گھمنڈ نہ کر اس لیے کہ ہر وقت

مہربان آسمان ہزار شعبدے کھیلتا ہے

میرے کفن میں پیالہ باندھ دینا تاکہ حشر کی صبح کو

شراب کے ذریعہ داروگیر کے دن کے خوف کو دل سے دور کردوں

عاشق اور معشوق کے درمیان کوئی آڑ نہیں ہے

اے حافظؔ تو خود اپنے لئے پردہ ہے درمیان سے اٹھ جا