جو نظر تیری تجلی کے مقابل ٹھہرے

جو نظر تیری تجلی کے مقابل ٹھہرے

وہی معیار تمیز حق و باطل ٹھہرے

ان کا کوچہ نہ سہی کعبہ سہی دیر سہی

کسی منزل پہ تو آوارۂ منزل ٹھہرے

تم تو آزاد ہو تم کیوں نہ بڑھو چند قدم

ہم تو ہر حال میں پابند سلاسل ٹھہرے

جوش وحشت میں جو مجنوں نے اڑایا تھا غبار

وہی مجنوں کے لئے پردۂ محمل ٹھہرے

دے کچھ اس طرح دہائی کہ جرس چپ ہو جائے

چادر گر پھٹے فاقۂ محمل ٹھہرے

اس میں تخصیص کنشت و حرم و دیر نہیں

دل کی منزل تو وہی ہے کہ جہاں دل ٹھہرے

نہ تماشہ نہ تحیر نہ تجلی اے بدرؔ

حیف اس آئینہ کی قسمت جو مرا دل ٹھہرے