جس طرف دیکھیے وہ جلوہ نما ہوتا ہے

جس طرف دیکھیے وہ جلوہ نما ہوتا ہے

نہیں معلوم محبت میں یہ کیا ہوتا ہے

یاد آتا ہے مجھے شادی پیہم کا مآل

سر محفل جو کوئی نغمہ سرا ہوتا ہے

خود تو ہوتے نہیں آثار جنوں کے پیدا

تیرا انداز ہر اک ہوش ربا ہوتا ہے

آج تک ملک عدم کا نہ مسافر لوٹا

کس سے پوچھوں کہ تری بزم میں کیا ہوتا ہے

سختیوں سے غم الفت کی گزرنے والے

نالۂ دل بڑی مشکل سے رسا ہوتا ہے

عمر بھر ہم نے جسے ناز سے پالا تھا غفورؔ

اب وہ دز دیدہ نگاہوں پہ فدا ہوتا ہے