عشق کیا چیز ہے ارباب وفا سے پوچھو

عشق کیا چیز ہے ارباب وفا سے پوچھو

حسن کہتے ہیں کسے حسن ادا سے پوچھو

عشق کی راہ میں ہر گام پہ روشن ہیں چراغ

شعلہ ساماں شررآہ رسا سے پوچھو

دشت خاک اور نگاہوں میں طلب جلووں کی

دل بے تاب کے ارمان وفا سے پوچھو

ذرے روشن ہیں زمیں پر جو ستاروں کی طرح

حسن کی ذرّہ نوازی کی ادا سے پوچھو

کیوں ہے یہ قیدی زنداں پہ بلاؤں کا ہجوم

وحشت دل سے نہیں زلف دوتاسے پوچھو

اب بھروسہ نہیں کیا میں کسی پر بھی غفورؔ

فکر کیوں ہے یہ زمانے کی ہوا سے پوچھو