مجھے دی ہے تو نے یہ زندگی

مجھے دی ہے تو نے یہ زندگی

مجھے تو نے دی ہے ہر اک خوشی

ترے ذکر سے ہو زباں تر

یہی ذکر بس ہو زباں پر

ترا عشق وجہ سرور ہے

ترا ذکر باعثِ نور ہے

کہ کوئی نہ تجھ سا کریم ہے

بھلا کون ایسا رحیم ہے

مجھے چاہتوں کا ثمر ملے

کہ مدینہ میں کوئی گھر ملے

شہ انبیا کی کنیز ہوں

درِ مصطفیٰ کی کنیز ہوں

نہ محل نہ مجھ کو مکاں دے

مجھے اے کریم اماں دے

یہی التجا یہی آرزوؔ

مرے دل میں بس یہی جستجو

ترا رحم ہو مری ذات ہو

مری روزِ حشر نجات ہو