haiñ sadqe kise aaj pyaar aa gayā

ye kaun aa gayā mere āġhosh meñ

hain sadqe kise aaj pyar aa gaya

ye kaun aa gaya mere aaghosh mein

hameñ ḳhudā ke sivā kuchh nazar nahīñ aatā

nikal ga.e haiñ bahut duur justujū karte

hamein KHuda ke siwa kuchh nazar nahin aata

nikal gae hain bahut dur justuju karte

hasīn bhī huuñ ḳhush-āvāz bhī farishta-e-qabr

kaTī hai umr hasīnoñ se guftugū karte

hasin bhi hun KHush-awaz bhi farishta-e-qabr

kaTi hai umr hasinon se guftugu karte

sunā hai ham ne bahut kuchh kalīm ke muñh se

ham aa.eñ to hameñ āvāz hī sunā denā

suna hai hum ne bahut kuchh kalim ke munh se

hum aaen to hamein aawaz hi suna dena

hameñ hai ghar se ta.alluq ab is qadar baaqī

kabhī jo aa.e to do-din ko mehmāñ kī tarah

hamein hai ghar se talluq ab is qadar baqi

kabhi jo aae to do-din ko mehman ki tarah

ai qayāmat aa bhī terā ho rahā hai intizār

un ke dar par laash ik rakhī hai kafnā.ī huī

ai qayamat aa bhi tera ho raha hai intizar

un ke dar par lash ek rakhi hai kafnai hui

vo kaun hai duniyā meñ jise ġham nahīñ hotā

kis ghar meñ ḳhushī hotī hai mātam nahīñ hotā

wo kaun hai duniya mein jise gham nahin hota

kis ghar mein KHushi hoti hai matam nahin hota

'riyāz' maut hai is shart se hameñ manzūr

zamīñ satā.e na marne pe āsmāñ kī tarah

'riyaz' maut hai is shart se hamein manzur

zamin satae na marne pe aasman ki tarah

ḳhudā jaane dikhā.e gī ye kyā rañg

duā.eñ jam.a haiñ arsh-e-barīñ par

KHuda jaane dikhae gi ye kya rang

duaen jama hain arsh-e-barin par

haram hai jā-e-adab kaam degī jannat meñ

farishto taaq se botal zarā uThā denā

haram hai jā-e-adab kaam degī jannat meñ

farishto taq se botal zarā uThā denā

vo kuchh ġhair se va.ada farmā rahe haiñ

mare sar kī jhūTī qasam khā rahe haiñ

wo kuchh ghair se wada farma rahe hain

mare sar ki jhuTi qasam kha rahe hain

uḌtī thī vo shai aatī thiiñ jannat kī havā.eñ

ab rindoñ kā jamghaT sar-e-zamzam nahīñ hotā

uDti thi wo shai aati thin jannat ki hawaen

ab rindon ka jamghaT sar-e-zamzam nahin hota

balā hai qabr kī shab is se baḌh ke hashr ke din

na aa.uuñ hosh meñ itnī mujhe pilā denā

bala hai qabr ki shab is se baDh ke hashr ke din

na aaun hosh mein itni mujhe pila dena

samā.e haiñ apne nigāhoñ meñ aise

jab ā.īna dekhā hai hairāñ hue haiñ

samae hain apne nigahon mein aise

jab aaina dekha hai hairan hue hain

ḳhudā jaane kahtā huuñ mastī meñ kiyā

ḳhudā jaane baktā huuñ kyā josh meñ

KHuda jaane kahta hun masti mein kiya

KHuda jaane bakta hun kya josh mein

shaad ke naam se har rañj-o-ḳhushī ho ke 'riyāz'

sadr-e-āzam ko shab-o-roz duā detā hai

shad ke nam se har ranj-o-KHushi ho ke 'riyaz'

sadr-e-azam ko shab-o-roz dua deta hai

ai shab-e-furqat na aa.ī tujh ko sharm

ġhair ke ghar jā ke muñh kaalā kiyā

ai shab-e-furqat na aai tujh ko sharm

ghair ke ghar ja ke munh kala kiya

kalīm baat baḌhāte na guftugū karte

lab-e-ḳhāmosh se iz.hār-e-ārzū karte

kalim baat baDhate na guftugu karte

lab-e-KHamosh se izhaar-e-arzu karte

kuchh āvāzeñ aatī haiñ sunsān shab meñ

ab un se bhī ḳhālī bayābāñ hue haiñ

kuchh aawazen aati hain sunsan shab mein

ab un se bhi KHali bayaban hue hain

bahut hī ḳhair guzrī hote hote rah ga.ī us se

jise meñ ġhair samjhā huuñ vo un kā pāsbāñ hogā

bahut hi KHair guzri hote hote rah gai us se

jise mein ghair samjha hun wo un ka pasban hoga

kamar sīdhī karne zarā mai-kade meñ

asā Tekte kyā 'riyāz' aa he haiñ

kamar sidhi karne zara mai-kade mein

asa Tekte kya 'riyaz' aa he hain

na lāla-zār banānā mazār ko na sahī

charāġh ke aage kabhī shaam ko jalā denā

na lala-zar banana mazar ko na sahi

charagh ke aage kabhi sham ko jala dena

nahīñ paḌte haiñ zamīñ par jo tire naqsh-e-qadam

kyuuñ uḌe rañg-e-hinā ġhair ke ghar jaane meñ

nahin paDte hain zamin par jo tere naqsh-e-qadam

kyun uDe rang-e-hina ghair ke ghar jaane mein

ye dil kī taḌap kyā lahad ko hilātī

tumheñ qabr par paañv dharnā na aayā

ye dil ki taDap kya lahad ko hilati

tumhein qabr par panw dharna na aaya

rañg par kal thā abhī lāla-gulshan kaisā

be-charāġh aaj hai har ek nasheman kaisā

rang par kal tha abhi lala-gulshan kaisa

be-charagh aaj hai har ek nasheman kaisa

ārām ho sukūn ho saare jahān ko

jumbish na ho zamīñ kī tarah āsmān ko

aaram ho sukun ho sare jahan ko

jumbish na ho zamin ki tarah aasman ko

kalīm baat baḌhāte na guftugū karte

lab-e-ḳhāmosh se iz.hār-e-ārzū karte

kalim baat baDhate na guftugu karte

lab-e-KHamosh se izhaar-e-arzu karte

jubba-sā.ī jis se kī qismat chamak uThī 'riyāz'

hazrat-e-'sāhir' ke dar se kyuuñ hamārā sar uThe

jubba-sai jis se ki qismat chamak uThi 'riyaz'

hazrat-e-'sahir' ke dar se kyun hamara sar uThe

aur bhī chāñd kī shakleñ haiñ nahīñ aap na hoñ

nuur kī sham.eñ nahīñ raushan mire kāshāne meñ

aur bhi chand ki shaklen hain nahin aap na hon

nur ki shamen nahin raushan mere kashane mein

huā kyā paḌā ā.īna beach meñ

ye thā kaun kis se laḌā.ī huī

hua kya paDa aaina beach mein

ye tha kaun kis se laDai hui

kahte haiñ mahak kar gul-e-mazmūn manāqib

phūloñ meñ 'riyāz' aap ke ḳhushbū-e-alī hai

kahte hain mahak kar gul-e-mazmun manaqib

phulon mein 'riyaz' aap ke KHushbu-e-ali hai

mauj-e-tūfāñ pheñk degī us ko sāhil kī taraf

paar ab kashtī mirī ai nāḳhudā ho jā.egī

mauj-e-tufan phenk degi us ko sahil ki taraf

par ab kashti meri ai naKHuda ho jaegi

tum jā ke chaman meñ gul-o-bulbul ko to dekho

kyā lutf tah-e-chādar shabnam nahīñ hotā

tum ja ke chaman mein gul-o-bulbul ko to dekho

kya lutf tah-e-chadar shabnam nahin hota

teġh hī kyā haath meñ qātil ke thī

ai hinā tū bhī to saanī jā.egī

tegh hi kya hath mein qatil ke thi

ai hina tu bhi to sani jaegi

koī mast-e-mai-kada aa gayā mai-e-be-ḳhudī pilā gayā

na sadā-e-naġhma-e-dair uThe na haram se shor-e-azāñ uThā

koi mast-e-mai-kada aa gaya mai-e-be-KHudi pila gaya

na sada-e-naghma-e-dair uThe na haram se shor-e-azan uTha

ye insān ban jaa.eñ kuchh saath rah kar

farishtoñ ko ham raah par lā rahe haiñ

ye insan ban jaen kuchh sath rah kar

farishton ko hum rah par la rahe hain

hashr meñ qātil ne dekhī hai lahū kī koi chhīñT

sū-e-dāman kyuuñ jhukī hai aañkh sharmā.ī huī

hashr mein qatil ne dekhi hai lahu ki koi chhinT

su-e-daman kyun jhuki hai aankh sharmai hui

be-piye bhī sub.h-e-mahshar ham ko laġhzish hai bahut

qabr se kyuuñ kar uTheñ bār-e-gunāh kyuuñ kar uThe

be-piye bhi subh-e-mahshar hum ko laghzish hai bahut

qabr se kyun kar uThen bar-e-gunah kyun kar uThe

jaate jaate arsa-gāh-e-hashr tak jo haal ho

uThte uThte qabr meñ sau fitna-e-mahshar uThe

jate jate arsa-gah-e-hashr tak jo haal ho

uThte uThte qabr mein sau fitna-e-mahshar uThe

vahīñ aa baiThā uTh kar udhar se

milā hai ghar mirā dushman ke ghar se

wahin aa baiTha uTh kar udhar se

mila hai ghar mera dushman ke ghar se

vo mal ke dast-e-hinā.ī se dil lahū karte

ham aarzū ko hasīñ ḳhūn-e-ārzū karte

wo mal ke dast-e-hinai se dil lahu karte

hum aarzu ko hasin KHun-e-arzu karte

ai asīrān-e-qafas aane ko hai fasl-e-ḳhizāñ

chār-din meñ aur gulshan kī havā ho jā.egī

ai asiran-e-qafas aane ko hai fasl-e-KHizan

chaar-din mein aur gulshan ki hawa ho jaegi

ai asīrān-e-qafas aane ko hai fasl-e-ḳhizāñ

chār-din meñ aur gulshan kī havā ho jā.egī

ai asiran-e-qafas aane ko hai fasl-e-KHizan

chaar-din mein aur gulshan ki hawa ho jaegi

farishte mare baañT leñ kuchh gunāh

kamī ho gar ambārī dosh meñ

farishte mare banT len kuchh gunah

kami ho gar ambari dosh mein

na tarsā unheñ āb-e-ḳhanjar ko qātil

duā.eñ tujhe deñge bismil hazāroñ

na tarsa unhen aab-e-KHanjar ko qatil

duaen tujhe denge bismil hazaron

ye gulchīñ ne kyuuñ phuul gulshan meñ toḌā

ki is par haiñ TuuTe anā dil hazāroñ

ye gulchin ne kyun phul gulshan mein toDa

ki is par hain TuTe ana dil hazaron

aise bhī haiñ duniyā meñ jinheñ ġham nahīñ hotā

ik ġham hai hamārā jo kabhī kam nahīñ hotā

aise bhi hain duniya mein jinhen gham nahin hota

ek gham hai hamara jo kabhi kam nahin hota

rāt-din añgḌā.iyāñ vo leñ merī āġhosh meñ

jin hasīnoñ ke liye paidā ye añgḌā.ī huī

raat-din angDaiyan wo len meri aaghosh mein

jin hasinon ke liye paida ye angDai hui

bane sho.ale bijlī ke qismat se merī

jo tinke the kuchh āshiyāne ke qābil

bane shoale bijli ke qismat se meri

jo tinke the kuchh aashiyane ke qabil

garāñ hai tauba ko miinā kā shor-e-qulqul bhī

ye gul machā.e to us kā galā dabā denā

garan hai tauba ko mina ka shor-e-qulqul bhi

ye gul machae to us ka gala daba dena