جو شخص خوشنودی کے لیے کسی نیک مرد کی زیارت کرتا ہے، قیامت کے روز خدا اسے اپنے جمال بے مثال سے مشرف فرمائے گا۔

چار قسم کے آدمیوں کے پاس خالی ہاتھ نہ جانا چاہیے، یعنی اول اہل و عیال میں، دوم بیمار کے پاس، سوم صوفی یا استاد کے پاس اور چہارم بادشاہ کے پاس۔

دل کا علاج پانچ چیزوں سے ہوتا ہے یعنی اول قرآن کریم تدبر و تفکر سے پڑھنا اور اس پر عمل کرنا، دوم رات کو قیام کرنا، سوم خالی پیٹ رہنا، چہارم سحری کے وقت دعا اور زاری کرنا اور پنجم صالحین سے مجلس کرنا۔

قربِ حق صبح کی زاری میں تلاش کرو، اگر وہاں سے حاصل نہ ہو اتو اور کہیں نہ پاؤ گے۔

وہ شخص جو سب کے سامنے یہ دعویٰ کرے کہ اس نے نفسانی لذتوں کو مکمل طور پر ترک کر دیا ہے وہ جھوٹا اور ریاکار ہے۔