krishn kanhayya

ai dekhne vaalo

is husn ko dekho

is raaz ko samjho

ye naqsh-e-ḳhayālī

ye fikrat-e-ālī

ye paikar-e-tanvīr

ye krishn kī tasvīr

ma.anī hai ki sūrat

san.at hai ki fitrat

zāhir hai ki mastūr

nazdīk hai yā duur

ye naar hai yā nuur

duniyā se nirālā

ye bāñsurī vaalā

gokul kā gvālā

hai sehr ki e.ajāz

khultā hī nahīñ raaz

kyā shaan hai vallāh

kyā aan hai vallāh

hairān huuñ kyā hai

ik shān-e-ḳhudā hai

but-ḳhāne ke andar

ḳhud husn kā but-gar

but ban gayā aa kar

vo turfa nazzāre

yaad aa ga.e saare

jamunā ke kināre

sabze kā lahaknā

phūloñ kā mahaknā

ghanghor ghaTā.eñ

sarmast havā.eñ

ma.asūm umañgeñ

ulfat kī tarañgeñ

vo gopiyoñ ke saath

hāthoñ meñ diye haath

raqsāñ huā brijnāth

bansī meñ jo lai hai

nashsha hai na mai hai

kuchh aur hī shai hai

ik ruuh hai raqsāñ

ik kaif hai larzāñ

ek aql hai mai-nosh

ik hosh hai mad.hosh

ik ḳhanda hai sayyāl

ik girya hai ḳhush-hāl

ik ishq hai maġhrūr

ik husn hai majbūr

ik sehr hai mas.hūr

darbār meñ tanhā

lāchār hai kirishnā

aa shyām idhar aa

sab ahl-e-ḳhusūmat

haiñ dar pa.e izzat

ye raaj dulāre

buzdil hue saare

parda na ho tārāj

bekas kī rahe laaj

aa jā mere kaale

bhārat ke ujāle

dāman meñ chhupā le

vo ho ga.ī an-ban

vo garm huā ran

ġhālib hai duryodhan

vo aa ga.e jagdīsh

vo miT ga.ī tashvīsh

arjun ko bulāyā

updesh sunāyā

ġham-zād kā ġham kyā

ustād kā ġham kyā

lo ho ga.ī tadbīr

lo ban ga.ī taqdīr

lo chal ga.ī shamshīr

sīrat hai adū-soz

sūrat nazar-afroz

dil kaifiyat-andoz

ġhusse meñ jo aa jaa.e

bijlī hī girā jaa.e

aur lutf par aa.e

to ghar bhī luTā jaa.e

pariyoñ meñ hai gulfām

rādhā ke liye shyām

balrām kā bhayyā

mathurā kā basayyā

bindrā meñ kanhayyā

ban ho ga.e vīrāñ

barbād gulistāñ

sakhiyāñ haiñ pareshāñ

jamunā kā kinārā

sunsān hai saarā

tūfān haiñ ḳhāmosh

maujoñ meñ nahīñ josh

lau tujh se lagī hai

hasrat hī yahī hai

ai hind ke raajā

ik baar phir aa jā

dukh dard miTā jā

abr aur havā se

bulbul kī sadā se

phūloñ kī ziyā se

jādū-asarī gum

shorīda-sarī gum

haañ terī judā.ī

mathurā ko na bhaa.ī

tū aa.e to shaan aa.e

tū aa.e to jaan aa.e

aanā na akele

hoñ saath vo mele

sakhiyoñ ke jhamele

ai dekhne walo

is husn ko dekho

is raaz ko samjho

ye naqsh-e-ḳhayālī

ye fikrat-e-ālī

ye paikar-e-tanwīr

ye krishn kī taswīr

manī hai ki sūrat

sanat hai ki fitrat

zāhir hai ki mastūr

nazdīk hai yā dur

ye nar hai yā nur

duniyā se nirālā

ye bāñsurī walā

gokul kā gwālā

hai sehr ki eajāz

khultā hī nahīñ raaz

kyā shan hai wallāh

kyā aan hai wallāh

hairān huñ kyā hai

ek shān-e-ḳhudā hai

but-ḳhāne ke andar

ḳhud husn kā but-gar

but ban gayā aa kar

wo turfa nazzāre

yaad aa gae sare

jamunā ke kināre

sabze kā lahaknā

phūloñ kā mahaknā

ghanghor ghaTāeñ

sarmast hawāeñ

masūm umañgeñ

ulfat kī tarañgeñ

wo gopiyoñ ke sath

hāthoñ meñ diye hath

raqsāñ huā brijnāth

bansī meñ jo lai hai

nashsha hai na mai hai

kuchh aur hī shai hai

ek ruh hai raqsāñ

ek kaif hai larzāñ

ek aql hai mai-nosh

ek hosh hai madhosh

ek ḳhanda hai sayyāl

ek girya hai ḳhush-hāl

ek ishq hai maġhrūr

ek husn hai majbūr

ek sehr hai mashūr

darbār meñ tanhā

lāchār hai kirishnā

aa shyām idhar aa

sab ahl-e-ḳhusūmat

haiñ dar pae izzat

ye raj dulāre

buzdil hue sare

parda na ho tārāj

bekas kī rahe laj

aa jā mere kale

bhārat ke ujāle

dāman meñ chhupā le

wo ho gaī an-ban

wo garm huā ran

ġhālib hai duryodhan

wo aa gae jagdīsh

wo miT gaī tashwīsh

arjun ko bulāyā

updesh sunāyā

ġham-zād kā ġham kyā

ustād kā ġham kyā

lo ho gaī tadbīr

lo ban gaī taqdīr

lo chal gaī shamshīr

sīrat hai adū-soz

sūrat nazar-afroz

dil kaifiyat-andoz

ġhusse meñ jo aa jae

bijlī hī girā jae

aur lutf par aae

to ghar bhī luTā jae

pariyoñ meñ hai gulfām

rādhā ke liye shyām

balrām kā bhayyā

mathurā kā basayyā

bindrā meñ kanhayyā

ban ho gae wīrāñ

barbād gulistāñ

sakhiyāñ haiñ pareshāñ

jamunā kā kinārā

sunsān hai sarā

tūfān haiñ ḳhāmosh

maujoñ meñ nahīñ josh

lau tujh se lagī hai

hasrat hī yahī hai

ai hind ke rajā

ek bar phir aa jā

dukh dard miTā jā

abr aur hawā se

bulbul kī sadā se

phūloñ kī ziyā se

jādū-asarī gum

shorīda-sarī gum

hañ terī judāī

mathurā ko na bhaī

tū aae to shan aae

tū aae to jaan aae

aanā na akele

hoñ sath wo mele

sakhiyoñ ke jhamele