gulshan-e-hindustan

gulshan kī shādāb fazā hai phuul khile haiñ Daalī Daalī

kitne dil-kash barg-o-samar haiñ kitnī hai sundar hariyālī

is gulshan ke rahne vaale sab haiñ is gulshan ke maalī

har din apnā ii.d milan hai har shab apne ghar hai divālī

gulshan kī shādāb fazā hai phuul khile haiñ Daalī Daalī

desh hamārā sahn-e-chaman hai sahn-e-chaman meñ ghuum rahe haiñ

kaliyoñ par haiñ dil se nichhāvar phūloñ kā muñh chuum rahe haiñ

barsoñ ham nā-shād rahe haiñ sadiyoñ ham maġhmūm rahe haiñ

aaj hai ghar meñ jashn-e-masarrat fart-e-ḳhushī se jhuum rahe haiñ

gulshan kī shādāb fazā hai phuul khile haiñ Daalī Daalī

is gulshan meñ jo bhī rahegā har ġham se āzād rahegā

pattā pattā buuTā buuTā shaad bhī hai aur shaad rahegā

fikr sukūñ-āmez rahegī zehn vafā ījād rahegā

shor-e-zindabād rahā hai shor-e-zindabād rahegā

gulshan kī shādāb fazā hai phuul khile haiñ Daalī Dalī

jashn-e-tarab hai jashn-e-tarab meñ aao ai matavālo aao

zarroñ ko ḳhurshīd kī zau do tāroñ ko mahtāb banāo

giit sunāo naġhma gaao vajd meñ aao jaam uThāo

hind kā parcham sab kā parcham ye parcham ghar ghar lahrāo

gulshan kī shādāb fazā hai phuul khile haiñ Daalī Daalī

nuur badāmāñ aaj kā din hai kaif kā sāmāñ aaj kī shab hai

shahr-e-nigārāñ aaj kā din hai husn-e-ġhazālāñ aaj kī shab hai

rāhat-e-yārāñ aaj kā din hai dard kā darmāñ aaj kī shab hai

ziist kā unvāñ aaj kā din hai shorish-e-rindāñ aaj kī shab hai

gulshan kī shādāb fazā hai phuul khile haiñ Daalī Dalī

har din apnā īd-milan hai har shab apne ghar hai divālī

gulshan ki shadab faza hai phul khile hain Dali Dali

kitne dil-kash barg-o-samar hain kitni hai sundar hariyali

is gulshan ke rahne wale sab hain is gulshan ke mali

har din apna id milan hai har shab apne ghar hai diwali

gulshan ki shadab faza hai phul khile hain Dali Dali

desh hamara sahn-e-chaman hai sahn-e-chaman mein ghum rahe hain

kaliyon par hain dil se nichhawar phulon ka munh chum rahe hain

barson hum na-shad rahe hain sadiyon hum maghmum rahe hain

aaj hai ghar mein jashn-e-masarrat fart-e-KHushi se jhum rahe hain

gulshan ki shadab faza hai phul khile hain Dali Dali

is gulshan mein jo bhi rahega har gham se aazad rahega

patta patta buTa buTa shad bhi hai aur shad rahega

fikr sukun-amez rahegi zehn wafa ijad rahega

shor-e-zindabaad raha hai shor-e-zindabaad rahega

gulshan ki shadab faza hai phul khile hain Dali Dali

jashn-e-tarab hai jashn-e-tarab mein aao ai matawalo aao

zarron ko KHurshid ki zau do taron ko mahtab banao

git sunao naghma gao wajd mein aao jam uThao

hind ka parcham sab ka parcham ye parcham ghar ghar lahrao

gulshan ki shadab faza hai phul khile hain Dali Dali

nur badaman aaj ka din hai kaif ka saman aaj ki shab hai

shahr-e-nigaran aaj ka din hai husn-e-ghazalan aaj ki shab hai

rahat-e-yaran aaj ka din hai dard ka darman aaj ki shab hai

zist ka unwan aaj ka din hai shorish-e-rindan aaj ki shab hai

gulshan ki shadab faza hai phul khile hain Dali Dali

har din apna id-milan hai har shab apne ghar hai diwali