ehram ki bahaar wo har rang ki phaban

ehrām kī bahār vo har rañg kī phaban

misl-e-shuā-e-mehr chamaktā hai sab badan

raushan hai rū-e-pāk se har bazm-o-anjuman

ḳhush-rañg jis tarah se chaman meñ gul-e-chaman

zīnat hai jis kī vo gul-rū-e-sabad ye hai

bāġh-e-jahāñ meñ murassā har nek-o-bad hai

vo bhiiḌ rahtī hai dar-e-daulat pe har ghaḌī

ḳhalq-e-ḳhudā hai āTh-pahr DevḌhī par aḌī

chup hai khaḌā sutūñ meñ liye haath meñ chhaḌī

har-sū ravāñ hai dīda-e-mushtāq se jhaḌī

yuuñ qumriyoñ kā ishq hai is sarv-e-bāġh par

girte haiñ jis tarah se patañge charāġh par

ehram ki bahaar wo har rang ki phaban

misl-e-shua-e-mehr chamakta hai sab badan

raushan hai ru-e-pak se har bazm-o-anjuman

KHush-rang jis tarah se chaman mein gul-e-chaman

zinat hai jis ki wo gul-ru-e-sabad ye hai

bagh-e-jahan mein murassa har nek-o-bad hai

wo bhiD rahti hai dar-e-daulat pe har ghaDi

KHalq-e-KHuda hai aaTh-pahr DewDhi par aDi

chup hai khaDa sutun mein liye hath mein chhaDi

har-su rawan hai dida-e-mushtaq se jhaDi

yun qumriyon ka ishq hai is sarw-e-bagh par

girte hain jis tarah se patange charagh par