sanaa terii jo kar saktaa hai vo bas hai KHudaa teraa

sanaa terii jo kar saktaa hai vo bas hai KHudaa teraa

haqiiqat me.n ye haq hotaa nahii.n sab se adaa teraa

tirii zaat-e-giraamii fikr-e-insaanii kaa mehvar hai

hai tirsaTh saal kaa har ek lamha mo'jiza teraa

dilo.n me.n jalva-gar jab tak na ho hubb-e-nabii momin

na iimaa.n hii mukammal hai na hii naqsh-e-vafaa teraa

hai sultaanii bhii darbaanii tire dar kii mire aaqaa

ye sach hai baadshaaho.n se bhii afzal hai gadaa teraa

badal jaa.e.n jo tevar chashm-o-abruu ke ma'aaz-allaah

zamii.n se aasmaa.n tak hai jalaal-o-dabdabaa teraa

malaa.ik ne kiye sajde jo hukm-e-rab se aadam ko

zuhuur-e-nuur vo aadam me.n thaa ai dil-rubaa teraa

sharaab-e-'ishq terii kis qadar pur-josh hai saaqii

ho ik jur'a me.n farzaana bhii diivaana sadaa teraa

tire masto.n pe paabandii ki pii kar hosh me.n rahnaa

adab laazim hai us par jis ne paimaana piyaa teraa

'ajab aa.iin-e-mai-KHaana na 'ajab dastuur-e-mai-noshii

niraalii shaan kaa hai mai-kada ai saaqiyaa teraa

mai-e-vahdat kaa tuu saaqii mai-e-'irfaa.n kaa tuu qaasim

hai mohtaaj-e-karam ’aalam sabhii ko aasraa teraa

na puuchhe.n gar tire rindo.n ko duniyaa me.n to kyaa Gam hai

jo tuu kah de ki mai.n Gam-KHvaar huu.n roz-e-jazaa teraa

jo ho taiba guzar teraa miraa bhii haal-e-dil kahnaa

bahut mamnuun huu.ngaa mai.n bhii ai baad-e-sabaa teraa

tamannaa hai na chhuuTe terii chaukhaT taa-dam-e-aaKHir

sag-e-darbaar-e-'aalii hai 'hilaal' ahmad shahaa teraa

sanaa terii jo kar saktaa hai vo bas hai KHudaa teraa

haqiiqat me.n ye haq hotaa nahii.n sab se adaa teraa

tirii zaat-e-giraamii fikr-e-insaanii kaa mehvar hai

hai tirsaTh saal kaa har ek lamha mo'jiza teraa

dilo.n me.n jalva-gar jab tak na ho hubb-e-nabii momin

na iimaa.n hii mukammal hai na hii naqsh-e-vafaa teraa

hai sultaanii bhii darbaanii tire dar kii mire aaqaa

ye sach hai baadshaaho.n se bhii afzal hai gadaa teraa

badal jaa.e.n jo tevar chashm-o-abruu ke ma'aaz-allaah

zamii.n se aasmaa.n tak hai jalaal-o-dabdabaa teraa

malaa.ik ne kiye sajde jo hukm-e-rab se aadam ko

zuhuur-e-nuur vo aadam me.n thaa ai dil-rubaa teraa

sharaab-e-'ishq terii kis qadar pur-josh hai saaqii

ho ik jur'a me.n farzaana bhii diivaana sadaa teraa

tire masto.n pe paabandii ki pii kar hosh me.n rahnaa

adab laazim hai us par jis ne paimaana piyaa teraa

'ajab aa.iin-e-mai-KHaana na 'ajab dastuur-e-mai-noshii

niraalii shaan kaa hai mai-kada ai saaqiyaa teraa

mai-e-vahdat kaa tuu saaqii mai-e-'irfaa.n kaa tuu qaasim

hai mohtaaj-e-karam ’aalam sabhii ko aasraa teraa

na puuchhe.n gar tire rindo.n ko duniyaa me.n to kyaa Gam hai

jo tuu kah de ki mai.n Gam-KHvaar huu.n roz-e-jazaa teraa

jo ho taiba guzar teraa miraa bhii haal-e-dil kahnaa

bahut mamnuun huu.ngaa mai.n bhii ai baad-e-sabaa teraa

tamannaa hai na chhuuTe terii chaukhaT taa-dam-e-aaKHir

sag-e-darbaar-e-'aalii hai 'hilaal' ahmad shahaa teraa