آپ اس میں جب سے جلوہ بار ہیں میرے حسین
دلچسپ معلومات
منقبت در شان حضرت امام حسین (کربلا-عراق)
آپ اس میں جب سے جلوہ بار ہیں میرے حسین
دل کے گلشن تب سے لالہ زار ہیں میرے حسین
جبر کا پتلا یزیدی فوج کا ہر فرد ہے
امن کی اک آہنی دیوار ہیں میرے حسین
فاتح خیبر کا بیٹا، فاطمہ کا لاڈلہ
اور نبئ پاک کے دلدار ہیں میرے حسین
کوئی جا سکتا نہیں ان کی محبت کے بغیر
کائنات خلد میں سردار ہیں میرے حسین
بہتی ہیں جو دین برحق کی رگوں میں آج بھی
آپ ہی کے خون کی وہ دھار ہیں میرے حسین
دیتے ہیں جن کی شہادت کی خبر روح الامیں
ہر شہید دیں کے وہ سردار ہیں میرے حسین
چومتے ہیں جن کو محبوب خدائے لم یزل
آپ ہی کے وہ لب و رخسار ہیں میرے حسین
چارہ ساز درد منداں، صاحب معراج سے
ملتے جلتے آپ کے اطوار ہیں میرے حسین
اس جگہ کی ہو زیارت ایک دن نازاںؔ کو بھی
جس جگہ پر آپ جلوہ بار ہیں میرے حسین
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
