تم ہی خدا کے شیر ہو شیر خدا علی

تم ہی خدا کے شیر ہو شیر خدا علی

خیبر کو فتح تم نے ہی تنہا کیا علی

فضل خدا سے رکھتے ہیں جنت کی کنجیاں

مولیٰ حسن حسین ہوں یا فاطمہ علی

چاروں خلیفہ سب سے جدا ہیں جہان میں

عثماں، عمر ہوں یا کہ ہوں صدیق یا علی

ہم کو ستا رہا ہے بہت وقت کا یزید

مشکل کشائی کیجیے مشکل کشا علی

پیدا ہوئے تو دیکھا ہے چہرہ حضور کا

رکھتے ہیں اس لیے بھی بڑا مرتبہ علی

ہوگا نہ کامران کہیں بھی وہ حشر تک

دل میں نہیں ہے جس کے تمہاری وفا علی

عنبرؔ کی سمت بھی ہو کرم کی بس اک نگاہ

کرتا ہے آپ سے یہ یہی التجا علی