hazaaro.n gulshan-e-chishtii me.n hai.n naGma-saraa KHvaaja

hazaaro.n gulshan-e-chishtii me.n hai.n naGma-saraa KHvaaja

tumhaarii misl duniyaa me.n na hogaa dosraa KHvaaja

jabiin-e-shauq se chaukhaT pe jab sajda kiyaa KHvaaja

nigaaho.n ko nazar aayaa mirii ’arsh-e-’alaa KHvaaja

mire dil se miTaa do tum KHayaal-e-maa-sivaa KHvaaja

mire dil me.n rahe 'ishq-e-davaamii aap kaa KHvaaja

tumhaare rauza-e-aqdas pe suuraj chaa.nd taaro.n ne

hamesha ke liye KHud ko nichhaavar kar diyaa KHvaaja

tumhaaraa naam lete hii musiibat duur hotii hai

yaqiinan ho jahaa.n me.n sab ke tum mushkil-kushaa KHvaaja

qasam chashm-e-tasavvur kii tasavvur meraa shaahid hai

tire darbaar me.n aayaa nazar har-suu KHudaa KHvaaja

ziyaa-e-kaa’ba-e-aqdas jamaal-e-taiba-e-at.har

hai goyaa marqad-e-aqdas tiraa qibla-numaa KHvaaja

'aqiidat kaa mirii daa'vaa hai aur daa'vaa ye saadiq hai

tumhaare hukm se Tal jaatii hai aa.ii qazaa KHvaaja

salaatiin-e-hukuumat ahl-e-sarvat ahl-e-daulat se

kahii.n baalaa-o-bartar hai tire dar kaa gadaa KHvaaja

tumhaarii chashm-e-rahmat ke zaraa se ik ishaare ne

gunahgaaro.n ko pal bhar me.n banaayaa paarsaa KHvaaja

miTaa do kulfate.n sab kii miTaa do zulmate.n saarii

dar-e-aqdas pe karataa huu.n ye paiham iltijaa KHvaaja

davaamii zindagii baKHshii KHudaa ne us ko ai 'naazir'

mohabbat me.n tirii KHud ko kiyaa jis ne fanaa KHvaaja

ba-juz is ke nahii.n ko.ii tamannaa dil me.n ab baaqii

qayaamat tak na ho 'naazir' tire dar se judaa KHvaaja

hazaaro.n gulshan-e-chishtii me.n hai.n naGma-saraa KHvaaja

tumhaarii misl duniyaa me.n na hogaa dosraa KHvaaja

jabiin-e-shauq se chaukhaT pe jab sajda kiyaa KHvaaja

nigaaho.n ko nazar aayaa mirii ’arsh-e-’alaa KHvaaja

mire dil se miTaa do tum KHayaal-e-maa-sivaa KHvaaja

mire dil me.n rahe 'ishq-e-davaamii aap kaa KHvaaja

tumhaare rauza-e-aqdas pe suuraj chaa.nd taaro.n ne

hamesha ke liye KHud ko nichhaavar kar diyaa KHvaaja

tumhaaraa naam lete hii musiibat duur hotii hai

yaqiinan ho jahaa.n me.n sab ke tum mushkil-kushaa KHvaaja

qasam chashm-e-tasavvur kii tasavvur meraa shaahid hai

tire darbaar me.n aayaa nazar har-suu KHudaa KHvaaja

ziyaa-e-kaa’ba-e-aqdas jamaal-e-taiba-e-at.har

hai goyaa marqad-e-aqdas tiraa qibla-numaa KHvaaja

'aqiidat kaa mirii daa'vaa hai aur daa'vaa ye saadiq hai

tumhaare hukm se Tal jaatii hai aa.ii qazaa KHvaaja

salaatiin-e-hukuumat ahl-e-sarvat ahl-e-daulat se

kahii.n baalaa-o-bartar hai tire dar kaa gadaa KHvaaja

tumhaarii chashm-e-rahmat ke zaraa se ik ishaare ne

gunahgaaro.n ko pal bhar me.n banaayaa paarsaa KHvaaja

miTaa do kulfate.n sab kii miTaa do zulmate.n saarii

dar-e-aqdas pe karataa huu.n ye paiham iltijaa KHvaaja

davaamii zindagii baKHshii KHudaa ne us ko ai 'naazir'

mohabbat me.n tirii KHud ko kiyaa jis ne fanaa KHvaaja

ba-juz is ke nahii.n ko.ii tamannaa dil me.n ab baaqii

qayaamat tak na ho 'naazir' tire dar se judaa KHvaaja