jab bhii girdaab-e-havaadis me.n safiina aayaa

jab bhii girdaab-e-havaadis me.n safiina aayaa

muskuraataa hu.aa maujo.n pe kinaaraa aayaa

Gaib se aa.ii nidaa marhabaa aayaa aayaa

'arsh-e-a'azam pe vo mahbuub KHudaa kaa aayaa

roz-e-mahshar kaa nigaaho.n me.n jo naqshaa aayaa

ha.nste-ha.nste mujhe be-saaKHta ronaa aayaa

mai-gusaaro.n ko jo piine kaa saliiqa aayaa

KHuld se saaqii-e-kausar kaa bulaavaa aayaa

aap kaa Gam jo kaleje se lagaa rakkhaa thaa

bhuul kar bhii ye KHayaal-e-Gam-e-duniyaa aayaa

dil jo ta.Dpaa.iye taskiin-e-ziyaarat apnaa

karbalaa aayaa najaf aayaa madiina aayaa

aamad-e-ahmad-e-mursal pe pukaar uTThii zamii.n

baKHshish-e-ummat-e-'aasii kaa vasiila aayaa

zulmat-e-jabr-o-tashaddud me.n sisaktii thii hayaat

raushnii ban ke mohammad kaa navaasaa aayaa

phir tamannaa-e-ziyaarat ne kiyaa dil bechain

phir mire dil ko KHayaal-e-shah-e-bat.haa aayaa

shauq-e-diidaar ne ulTaa jo nigaaho.n se naqaab

zarre-zarre me.n nazar tuur kaa jalvaa aayaa

'arsh se farsh pe bhejaa hai malaa.ik ne salaam

jab zabaa.n par mirii naam-e-shah-e-vaalaa aayaa

gulistaa.n sahraa sanam-KHaana kaliisaa kaa'ba

har jagah mujh ko nazar ek hii jalva aayaa

ab ye in'aam Gam-e-'ishq milaa hai 'bedaar'

mar miTe raah-e-mohabbat me.n to jiinaa aayaa

jab bhii girdaab-e-havaadis me.n safiina aayaa

muskuraataa hu.aa maujo.n pe kinaaraa aayaa

Gaib se aa.ii nidaa marhabaa aayaa aayaa

'arsh-e-a'azam pe vo mahbuub KHudaa kaa aayaa

roz-e-mahshar kaa nigaaho.n me.n jo naqshaa aayaa

ha.nste-ha.nste mujhe be-saaKHta ronaa aayaa

mai-gusaaro.n ko jo piine kaa saliiqa aayaa

KHuld se saaqii-e-kausar kaa bulaavaa aayaa

aap kaa Gam jo kaleje se lagaa rakkhaa thaa

bhuul kar bhii ye KHayaal-e-Gam-e-duniyaa aayaa

dil jo ta.Dpaa.iye taskiin-e-ziyaarat apnaa

karbalaa aayaa najaf aayaa madiina aayaa

aamad-e-ahmad-e-mursal pe pukaar uTThii zamii.n

baKHshish-e-ummat-e-'aasii kaa vasiila aayaa

zulmat-e-jabr-o-tashaddud me.n sisaktii thii hayaat

raushnii ban ke mohammad kaa navaasaa aayaa

phir tamannaa-e-ziyaarat ne kiyaa dil bechain

phir mire dil ko KHayaal-e-shah-e-bat.haa aayaa

shauq-e-diidaar ne ulTaa jo nigaaho.n se naqaab

zarre-zarre me.n nazar tuur kaa jalvaa aayaa

'arsh se farsh pe bhejaa hai malaa.ik ne salaam

jab zabaa.n par mirii naam-e-shah-e-vaalaa aayaa

gulistaa.n sahraa sanam-KHaana kaliisaa kaa'ba

har jagah mujh ko nazar ek hii jalva aayaa

ab ye in'aam Gam-e-'ishq milaa hai 'bedaar'

mar miTe raah-e-mohabbat me.n to jiinaa aayaa