hum KHudi hi mein KHuda ko ham-nafas pane lage

ham ḳhudī hī meñ ḳhudā ko ham-nafas paane lage

arz par rah kar samā tak haath dauḌāne lage

tum hinā-ālūd jab añgusht chamkāne lage

log sham'-e-tūr ko añgulī se batlāne lage

tum jo tāb-e-'āriz-e-raḳhshāñ ko chamkāne lage

log sham'-e-tūr ko añgulī se batlāne lage

vahm ne paTkā adhūrā ham ko hast-o-nīst meñ

phir kamar kī Toh meñ gumrāh kahlāne lage

dekh us abrū-kamāñ ke tīr-e-mizhgāñ ko jo les

'āshiq-e-gosha-nashīñ qurbān ho jaane lage

vāsil-e-jānāñ huā maiñ jaan se jā kar 'vatan'

dekh bāhar aap se mujh ko vo ghabrāne lage

hum KHudi hi mein KHuda ko ham-nafas pane lage

arz par rah kar sama tak hath dauDane lage

tum hina-alud jab angusht chamkane lage

log sham'-e-tur ko anguli se batlane lage

tum jo tab-e-'ariz-e-raKHshan ko chamkane lage

log sham'-e-tur ko anguli se batlane lage

wahm ne paTka adhura hum ko hast-o-nist mein

phir kamar ki Toh mein gumrah kahlane lage

dekh us abru-kaman ke tir-e-mizhgan ko jo les

'ashiq-e-gosha-nashin qurban ho jaane lage

wasil-e-jaanan hua main jaan se ja kar 'watan'

dekh bahar aap se mujh ko wo ghabrane lage