zindagi sang-e-dar-e-yar se aage na baDhi

zindagī sañg-e-dar-e-yār se aage na baḌhī

'āshiqī matla'-e-dīdār se aage na baḌhī

tīrgī gesū-e-ḳhamdār se aage na baḌhī

raushnī tābish-e-ruḳhsār se aage na baḌhī

dilbarī raunaq-e-bāzār se aage na baḌhī

sādgī hasrat-e-iz.hār se aage na baḌhī

ḳhud farāmosh tire 'arsh ko chhū kar aa.e

ḳhvājgī jubba-o-dastār se aage na baḌhī

bas meñ hotā to tirī bazm sajāte ham bhī

bebasī sāya-e-dīvār se aage na baḌhī

jalva-e-zāt se aage thī faqat zaat hī zaat

bandagī raqs sar-e-dār se aage na baḌhī

be-ḳhudī dasht-o-bayābāñ se varā hai 'vāsif'

āgahī vādī-e-pur-ḳhār se aage na baḌhī

zindagi sang-e-dar-e-yar se aage na baDhi

'ashiqi matla'-e-didar se aage na baDhi

tirgi gesu-e-KHamdar se aage na baDhi

raushni tabish-e-ruKHsar se aage na baDhi

dilbari raunaq-e-bazar se aage na baDhi

sadgi hasrat-e-izhaar se aage na baDhi

KHud faramosh tere 'arsh ko chhu kar aae

KHwajgi jubba-o-dastar se aage na baDhi

bas mein hota to teri bazm sajate hum bhi

bebasi saya-e-diwar se aage na baDhi

jalwa-e-zat se aage thi faqat zat hi zat

bandagi raqs sar-e-dar se aage na baDhi

be-KHudi dasht-o-bayaban se wara hai 'wasif'

aagahi wadi-e-pur-KHar se aage na baDhi