tere qarib hue jab se ashk-bar hue

tire qarīb hue jab se ashk-bār hue

hazār baar kahāñ sad hazār baar hue

tumhārī bazm meñ taare bhī pur-sukūñ the magar

ye aur baat ki ham duur be-qarār hue

baqā fanā kī fanā hī baqā kī raah banī

ḳhizāñ se guzre to ham bād-e-nau bahār hue

milā na ham ko agar sañg-e-āstāñ kā nishāñ

ba-rañg-e-mauj uThe raah kā ġhubār hue

huā thā husn hī ḳhud mā.il-e-karam 'vāsif'

vo apnī zaat meñ maḳhfī the āshakār hue

tere qarib hue jab se ashk-bar hue

hazar bar kahan sad hazar bar hue

tumhaari bazm mein tare bhi pur-sukun the magar

ye aur baat ki hum dur be-qarar hue

baqa fana ki fana hi baqa ki rah bani

KHizan se guzre to hum baad-e-nau bahaar hue

mila na hum ko agar sang-e-astan ka nishan

ba-rang-e-mauj uThe rah ka ghubar hue

hua tha husn hi KHud mail-e-karam 'wasif'

wo apni zat mein maKHfi the aashakar hue