Thahri meri haqiqat jab asl-e-nur tera

Thahrī mirī haqīqat jab asl-e-nūr terā

phir ye zuhūr merā hogā zuhūr terā

merā kahāñ nishāñ thā terī jahāñ thī hastī

ban aayā merī sūrat ḳhud yaar nuur terā

kyuuñ paak ham na hoveñ ālūdgī-e-jāñ se

saaqī se pī liyā hai jām-e-tuhūr terā

muusā hī kī badaulat tujh ko huī tajallī

hargiz ye muñh nahīñ thā ai sañg-e-tūr terā

nabiyoñ ne ḳhud batāyā valiyoñ ne kah sunāyā

samjhe na munkir ab tak sirr-e-zuhūr terā

be-būd saarā 'ālam bā-būd ek tū hai

zāhir huā 'asad' par rāz-e-zuhūr terā

Thahri meri haqiqat jab asl-e-nur tera

phir ye zuhur mera hoga zuhur tera

mera kahan nishan tha teri jahan thi hasti

ban aaya meri surat KHud yar nur tera

kyun pak hum na howen aaludgi-e-jaan se

saqi se pi liya hai jam-e-tuhur tera

musa hi ki badaulat tujh ko hui tajalli

hargiz ye munh nahin tha ai sang-e-tur tera

nabiyon ne KHud bataya waliyon ne kah sunaya

samjhe na munkir ab tak sirr-e-zuhur tera

be-bud sara 'alam ba-bud ek tu hai

zahir hua 'asad' par raaz-e-zuhur tera