mauj-e-sahil se milo mah-e-kaamil se milo

mauj-e-sāhil se milo

yā mah-e-kāmil se milo

sab se mil aao to ik baar mire dil se milo

dil-e-barbād ne kyā TuuT ke chāhā hai tumheñ

kis qadar pyaar se marmar se tarāshā hai tumheñ

jab se dekhā hai usī shoḳhī se dekhā hai tumheñ

sar jhukāyā hai ḳhudā maanā hai puujā hai tumheñ

rañg-o-’ishrat se milo

’aish-o-rāhat se milo

nūr-o-nik.hat se milo

sab se fursat se milo

sab se mil aao to ik baar mire dil se milo

tum mire hoñToñ pe rahtī ho du'āon kī tarah

kitnī mā'sūm ho tum merī vafāoñ kī tarah

duur hī duur ho jañgal kī havāoñ kī tarah

tum chalī aao jo bharpūr ghaTāoñ kī tarah

sabza-zāroñ se milo

nau bahāroñ se milo

shoḳh dhāroñ se milo

tum hazāroñ se milo

sab se mil aao to ik baar mire dil se milo

kyā kahūñ dahr meñ mujh sā nahīñ tanhā koī

tum pe zāhir hai ki tum se nahīñ parda koī

tum na aao to nahīñ merā sahārā koī

aao ik baar karo shaaz se vā'da koī

shab-e-rā’anā se milo

sub.h-e-fardā se milo

kaif-e-sahbā se milo

ek duniyā se milo

sab se mil aao

to ik baar mire dil se milo

mauj-e-sahil se milo

ya mah-e-kaamil se milo

sab se mil aao to ek bar mere dil se milo

dil-e-barbaad ne kya TuT ke chaha hai tumhein

kis qadar pyar se marmar se tarasha hai tumhein

jab se dekha hai usi shoKHi se dekha hai tumhein

sar jhukaya hai KHuda mana hai puja hai tumhein

rang-o-’ishrat se milo

’aish-o-rahat se milo

nur-o-nikhat se milo

sab se fursat se milo

sab se mil aao to ek bar mere dil se milo

tum mere honTon pe rahti ho du'aon ki tarah

kitni ma'sum ho tum meri wafaon ki tarah

dur hi dur ho jangal ki hawaon ki tarah

tum chali aao jo bharpur ghaTaon ki tarah

sabza-zaron se milo

nau bahaaron se milo

shoKH dhaaron se milo

tum hazaron se milo

sab se mil aao to ek bar mere dil se milo

kya kahun dahr mein mujh sa nahin tanha koi

tum pe zahir hai ki tum se nahin parda koi

tum na aao to nahin mera sahaara koi

aao ek bar karo shaz se wa'da koi

shab-e-ra’ana se milo

subh-e-farda se milo

kaif-e-sahba se milo

ek duniya se milo

sab se mil aao

to ek bar mere dil se milo