tera aastan jo na mil saka teri rah-e-guzar pe jabin sahi

tirā āstāñ jo na mil sakā terī rāh-e-guzar pe jabīñ sahī

hameñ sajda karne se kaam hai jo vahāñ nahīñ to yahīñ sahī

mere zauq-e-sajda ko zid nahīñ merā sajda ho vo kahīñ sahī

tirā āstāñ to āstāñ tere naqsh-e-pā pe jabīñ sahī

mujhe koī shai nahīñ chāhiye ba-juz ek terī nigāh ke

ye zamāne bhar kī masarrateñ merī zindagī meñ nahīñ sahī

vo mirī nazar se chhupegā kyā jo tasavvurāt kī zad meñ ho

use jab bhī chāhūñ maiñ dekh luuñ maiñ kahīñ sahī vo kahīñ sahī

dil-e-zaḳhm-ḳhurda kī har taḌap hai qarār jān-e-shikastagāñ

ye maze kī baat hai chāra-gar jo davā nahīñ to nahīñ sahī

nahīñ bahas-e-dair-o-haram se kuchh na maiñ shaiḳh huuñ na maiñ barahman

mirā kaam mashq-e-sujūd hai kisī tarh ho vo kahīñ sahī

tirā banda-e-’īsā be-navā nahīñ bādshāhoñ se kuchh bhī kam

jo nahīñ ye taḳht-nashīñ na ho tere dar kā ḳhāk-nashīñ sahī

tera aastan jo na mil saka teri rah-e-guzar pe jabin sahi

hamein sajda karne se kaam hai jo wahan nahin to yahin sahi

mere zauq-e-sajda ko zid nahin mera sajda ho wo kahin sahi

tera aastan to aastan tere naqsh-e-pa pe jabin sahi

mujhe koi shai nahin chahiye ba-juz ek teri nigah ke

ye zamane bhar ki masarraten meri zindagi mein nahin sahi

wo meri nazar se chhupega kya jo tasawwuraat ki zad mein ho

use jab bhi chahun main dekh lun main kahin sahi wo kahin sahi

dil-e-zaKHm-KHurda ki har taDap hai qarar jaan-e-shikastagan

ye maze ki baat hai chaara-gar jo dawa nahin to nahin sahi

nahin bahas-e-dair-o-haram se kuchh na main shaiKH hun na main barahman

mera kaam mashq-e-sujud hai kisi tarh ho wo kahin sahi

tera banda-e-’isa be-nawa nahin baadshahon se kuchh bhi kam

jo nahin ye taKHt-nashin na ho tere dar ka KHak-nashin sahi