dil-e-betab ne tumko pukara hai chale aao

dil-e-betāb ne tum ko pukārā hai chale aao

tumhāre hijr ne ham ko sañvārā hai chale aao

tumhāre bin har ik mausam ḳhizāñ mā'lūm hotā hai

nahīñ ho tum to har manzar dhuāñ mālūm hotā hai

tumhāre bin bahut mushkil guzārā hai chale aao

dil-e-betāb ne tum ko pukārā hai chale aao

tumhārī yaad kā har pal baḌī mushkil se guzrā hai

ye dīvāna bahut māyūs-kun manzil se guzrā hai

yahāñ tum bin ḳhasāra hī ḳhasārā hai chale aao

dil-e-betāb ne tum ko pukārā hai chale aao

tumhāre bin mirī duniyā bahut vīrān lagtī hai

na shama' hai na mahfil meñ hī koī jaan lagtī hai

sabhī kuchh ham ne tum par hī to vaarā hai chale aao

dil-e-betāb ne tum ko pukārā hai chale aao

mirā dil bhī taḌap kar aaj samjhāne lagā mujh ko

tumhārā 'aks har jānib nazar aane lagā mujh ko

tumhārā saath hī har shai se pyārā hai chale aao

dil-e-betāb ne tum ko pukārā hai chale aao

kabhī sochā na thā maiñ ne ki aisā din bhī aa.egā

tumhārī yaad kā mausam aañsū itnā satā.egā

aañsū furqat ke lamhoñ ne hī maarā hai chale aao

dil-e-betāb ne tum ko pukārā hai chale aao

sar-e-mahfil tumhāre husn kā sadqa utārūñgā

tumhāre vasl se hālat mohabbat ko nikhārūñga

bhañvar meñ merī ulfat kā sitāra hai chale aao

dil-e-betāb ne tum ko pukārā hai chale aao

dil-e-betab ne tum ko pukara hai chale aao

tumhaare hijr ne hum ko sanwara hai chale aao

tumhaare bin har ek mausam KHizan ma'lum hota hai

nahin ho tum to har manzar dhuan malum hota hai

tumhaare bin bahut mushkil guzara hai chale aao

dil-e-betab ne tum ko pukara hai chale aao

tumhaari yaad ka har pal baDi mushkil se guzra hai

ye diwana bahut mayus-kun manzil se guzra hai

yahan tum bin KHasara hi KHasara hai chale aao

dil-e-betab ne tum ko pukara hai chale aao

tumhaare bin meri duniya bahut viran lagti hai

na shama' hai na mahfil mein hi koi jaan lagti hai

sabhi kuchh hum ne tum par hi to wara hai chale aao

dil-e-betab ne tum ko pukara hai chale aao

mera dil bhi taDap kar aaj samjhane laga mujh ko

tumhaara 'aks har jaanib nazar aane laga mujh ko

tumhaara sath hi har shai se pyara hai chale aao

dil-e-betab ne tum ko pukara hai chale aao

kabhi socha na tha main ne ki aisa din bhi aaega

tumhaari yaad ka mausam aansu itna sataega

aansu furqat ke lamhon ne hi mara hai chale aao

dil-e-betab ne tum ko pukara hai chale aao

sar-e-mahfil tumhaare husn ka sadqa utarunga

tumhaare wasl se haalat mohabbat ko nikhaarunga

bhanwar mein meri ulfat ka sitara hai chale aao

dil-e-betab ne tum ko pukara hai chale aao