kaba ko samajh kar na to but-KHana samajh kar

kā'ba ko samajh kar na to but-ḳhāna samajh kar

kar lete haiñ sajda dar-e-jānāna samajh kar

ik roz to aao mire ḳhāna-e-dil meñ

ābād karo tum ise vīrāna samajh kar

ġhairoñ se kiyā karte ho be-parvā ishāre

aur ham se chhupāte ho muñh begāna samajh kar

aa jā tū nigāhoñ meñ mirī o but-e-'ayyār

apnā hī banā le mujhe dīvāna samajh kar

samjhūñ maiñ tumheñ sham' ke mānind hamesha

tum mujh ko jalāyā karo parvāna samajh kar

vahdat kā agar jaam mile hazrat-e-zāhid

masjid meñ pilā.eñ tumheñ mai-ḳhāna samajh kar

varna chale jaao darbār meñ ‘hashmatÆ

rokegā na koī tumheñ dīvāna samajh kar

ka'ba ko samajh kar na to but-KHana samajh kar

kar lete hain sajda dar-e-jaanana samajh kar

ek roz to aao mere KHana-e-dil mein

aabaad karo tum ise virana samajh kar

ghairon se kiya karte ho be-parwa ishaare

aur hum se chhupate ho munh begana samajh kar

aa ja tu nigahon mein meri o but-e-'ayyar

apna hi bana le mujhe diwana samajh kar

samjhun main tumhein sham' ke manind hamesha

tum mujh ko jalaya karo parwana samajh kar

wahdat ka agar jam mile hazrat-e-zahid

masjid mein pilaen tumhein mai-KHana samajh kar

warna chale jao darbar mein ‘hashmatÆ

rokega na koi tumhein diwana samajh kar