karun kyun na yaad-e-KHuda chupke-chupke

karūñ kyuuñ na yād-e-ḳhudā chupke-chupke

milegā mirā mudda'ā chupke-chupke

hamārī taraf se bhī taiba meñ chal kar

kuchh hazrat se kahnā chupke-chupke

kaheñge ḳhudā se kuchh ummat ke ḳhātir

qayāmat ke din mustafā chupke-chupke

hajar ne abbū jahl kī muTThiyoñ meñ

tumhārā hī kalima paḌhā chupke-chupke

nazar aa.ī jab ḳhvāb meñ zulf-e-jānāñ

to vallail paḌhne lagā chupke-chupke

nakīrain se qabr meñ terī bābat

rahā der tak tazkira chupke-chupke

madīne gayā qāfila jab ki ‘hashmat’

to pahroñ maiñ royā kiyā chupke-chupke

karun kyun na yaad-e-KHuda chupke-chupke

milega mera mudda'a chupke-chupke

hamari taraf se bhi taiba mein chal kar

kuchh hazrat se kahna chupke-chupke

kahenge KHuda se kuchh ummat ke KHatir

qayamat ke din mustafa chupke-chupke

hajar ne abbu jahl ki muTThiyon mein

tumhaara hi kalima paDha chupke-chupke

nazar aai jab KHwab mein zulf-e-jaanan

to wallail paDhne laga chupke-chupke

nakirain se qabr mein teri babat

raha der tak tazkira chupke-chupke

madine gaya qafila jab ki ‘hashmat’

to pahron main roya kiya chupke-chupke