ishq tujhse jo humne yar kiya

'ishq tujh se jo ham ne yaar kiyā

dil kī hasrat ko āshakār kiyā

kyā kiyā aap ne ye hazrat-e-dil

sab sukūñ nazr-e-e'tibār kiyā

terī sūrat ko dekh kar ham ne

tujh pe kaunain ko nisār kiyā

un ke chaukhaT ko chuum kar ham ne

sajda-e-shukr bār-bār kiyā

tum na uTTho abhī ki jī bhar kar

ham ne dekhā tumheñ na pyaar kiyā

shauq se pā.emāl-e-nāz karo

nazar-andāz kyuuñ mazār kyā

vā'iz aur ma.e pe tabsira rindo

tum ne bhī kis kā e'tibār kiyā

dil-e-ḳhāna-ḳharāb ne 'mushtāq'

dekh ākHir zalīl-o-ḳhvār kiyā

'ishq tujh se jo hum ne yar kiya

dil ki hasrat ko aashakar kiya

kya kiya aap ne ye hazrat-e-dil

sab sukun nazr-e-e'tibar kiya

teri surat ko dekh kar hum ne

tujh pe kaunain ko nisar kiya

un ke chaukhaT ko chum kar hum ne

sajda-e-shukr bar-bar kiya

tum na uTTho abhi ki ji bhar kar

hum ne dekha tumhein na pyar kiya

shauq se paemal-e-naz karo

nazar-andaz kyun mazar kya

wa'iz aur mae pe tabsira rindo

tum ne bhi kis ka e'tibar kiya

dil-e-KHana-KHarab ne 'mushtaq'

dekh aakHir zalil-o-KHwar kiya