KHub pahchan liya humne ke han han hai yahi

ḳhuub pahchān liyā ham ne ke haañ haañ hai yahī

ab na bhūleñge kyuuñ use sūrat-e-jānāñ hai yahī

'ishq meñ rāhbar manzil-e-jānāñ hai yahī

shauq kahte haiñ jise murshid-e-pākāñ hai yahī

ġhamza-o-nāz-o-adā shokHī-o-andāz-e-kHirām

teġh kyā hogī mirī qatl kā sāmāñ hai yahī

kalima-e-kufr paḌhātā hai musalmānoñ se

'ishq kahte haiñ use dushman-e-īmāñ hai yahī

na udhar jā idhar shaiḳh kī masjid hai qarīb

aa idhar pīr-e-muġhāñ mahfil-e-rindāñ hai yahī

jis ne ā.īna ko hairān banā rakhā hai

dekh kar aap ko ā.īna meñ hairāñ hai yahī

de ke dam tum ne sahīñ jaur-o-jafā۔eñ 'bedam'

kyā ta'ajjub hai vafādāroñ ke shāyāñ hai yahī

KHub pahchan liya hum ne ke han han hai yahi

ab na bhulenge kyun use surat-e-jaanan hai yahi

'ishq mein rahbar manzil-e-jaanan hai yahi

shauq kahte hain jise murshid-e-pakan hai yahi

ghamza-o-naz-o-ada shokHi-o-andaz-e-kHiram

tegh kya hogi meri qatl ka saman hai yahi

kalima-e-kufr paDhata hai musalmanon se

'ishq kahte hain use dushman-e-iman hai yahi

na udhar ja idhar shaiKH ki masjid hai qarib

aa idhar pir-e-mughan mahfil-e-rindan hai yahi

jis ne aaina ko hairan bana rakha hai

dekh kar aap ko aaina mein hairan hai yahi

de ke dam tum ne sahin jaur-o-jafa۔en 'bedam'

kya ta'ajjub hai wafadaron ke shayan hai yahi