is mamlikat ka mard-e-musalman chala gaya

is mamlikat kā mard-e-musalmāñ chalā gayā

rotā huuñ maiñ ki paikar-e-īmāñ chalā gayā

be-dast-o-pā the ham sar-e-bāzār luT ga.e

nāmūs-e-mustafā kā nigahbāñ chalā gayā

ai marg-e-nā-gahāñ terā shikva kareñ to kyā

jaa.eñ kahāñ ki dard kā darmāñ chalā gayā

royā karūñgā un kī judā.ī meñ roz-o-shab

mere liye to mamba’-e-'irfāñ chalā gayā

us kā vujūd āya-e-rabb-e-vadūd thā

mīr-e-umam ke 'ishq kā 'unvāñ chalā gayā

ye sochtā huuñ un se mulāqāt ab kahāñ

raḳht-e-safar lapeT ke sultāñ chalā gayā

is mamlikat ka mard-e-musalman chala gaya

rota hun main ki paikar-e-iman chala gaya

be-dast-o-pa the hum sar-e-bazar luT gae

namus-e-mustafa ka nigahban chala gaya

ai marg-e-na-gahan tera shikwa karen to kya

jaen kahan ki dard ka darman chala gaya

roya karunga un ki judai mein roz-o-shab

mere liye to mamba’-e-'irfan chala gaya

us ka wujud aaya-e-rabb-e-wadud tha

mir-e-umam ke 'ishq ka 'unwan chala gaya

ye sochta hun un se mulaqat ab kahan

raKHt-e-safar lapeT ke sultan chala gaya