murshid ki nigahon ko chehre ko paDho samjho

murshid kī nigāhoñ ko chehre ko paḌho samjho

ab mai kī zarūrat kyā āñkhoñ se piyo samjho

ai yaar mujhe tum ne jab apnā banāyā hai

tum sāmne aa jaao kuchh aisā karo samjho

duniyā kī mohabbat to kartī hai havas paidā

'uqbā kī haqīqat se tum 'ishq karo samjho

manzil pe bhī pahuñchoge majbūr nahīñ ho tum

mazbūt irādoñ se tum dil ke chalo samjho

paimāna mile fauran ye dil se nikālo tum

majbūri-e-sāqī bhī ai tishna-labo samjho

tum dard mohabbat kī koī bhī davā le lo

us dil meñ mohabbat hai ai chāra-garo samjho

maanā ki 'zafar' tum ne likkhīñ haiñ ka.ī ġhazleñ

jo sāmne misra.a hai us pe to likho samjho

murshid ki nigahon ko chehre ko paDho samjho

ab mai ki zarurat kya aankhon se piyo samjho

ai yar mujhe tum ne jab apna banaya hai

tum samne aa jao kuchh aisa karo samjho

duniya ki mohabbat to karti hai hawas paida

'uqba ki haqiqat se tum 'ishq karo samjho

manzil pe bhi pahunchoge majbur nahin ho tum

mazbut iradon se tum dil ke chalo samjho

paimana mile fauran ye dil se nikalo tum

majburi-e-saqi bhi ai tishna-labo samjho

tum dard mohabbat ki koi bhi dawa le lo

us dil mein mohabbat hai ai chaara-garo samjho

mana ki 'zafar' tum ne likkhin hain kai ghazlen

jo samne misra hai us pe to likho samjho