haq ki rahon mein jo aaya bas wahi zinda raha
haq kī rāhoñ meñ jo aayā bas vahī zinda rahā
ḳhaak meñ mil kar bhī dekho nuur ban chamkā rahā
naam un kā aaj tak tārīḳh ke pannoñ pe hai
un kā qaul-o-faisla har daur meñ zinda rahā
jin ke sajdoñ se juḌī thī āsmāñ kī raushnī
un ke sajdoñ kā asar miTTī se gul khiltā rahā
jis ko duniyā ne kahā thā ḳhaak kā ik zarra bhar
us ke qadmoñ se zamīñ par taaj bhī jhuktā rahā
un ke aane se hī aa.ī regzāroñ meñ bahār
nuur phailā aur añdherā dasht se jaatā rahā
naam un kā aaj bhī markaz hai rāhat ke liye
jo bhī un kī chhāñv meñ aayā sukūñ paatā rahā
sar jhukā.e bādshāh aa.e the jin ke dar pe kal
aaj tak vo be-kasoñ ke dil meñ bhī zinda rahā
rah gayā har dam sadā 'amjad' vafā kī raah par
us kā qissa bazm-e-ahl-e-dil meñ bhī zinda rahā
haq ki rahon mein jo aaya bas wahi zinda raha
KHak mein mil kar bhi dekho nur ban chamka raha
nam un ka aaj tak tariKH ke pannon pe hai
un ka qaul-o-faisla har daur mein zinda raha
jin ke sajdon se juDi thi aasman ki raushni
un ke sajdon ka asar miTTi se gul khilta raha
jis ko duniya ne kaha tha KHak ka ek zarra bhar
us ke qadmon se zamin par taj bhi jhukta raha
un ke aane se hi aai regzaron mein bahaar
nur phaila aur andhera dasht se jata raha
nam un ka aaj bhi markaz hai rahat ke liye
jo bhi un ki chhanw mein aaya sukun pata raha
sar jhukae baadshah aae the jin ke dar pe kal
aaj tak wo be-kason ke dil mein bhi zinda raha
rah gaya har dam sada 'amjad' wafa ki rah par
us ka qissa bazm-e-ahl-e-dil mein bhi zinda raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
