us aastan ke sajde ko shams-o-qamar gae

us āstāñ ke sajde ko shams-o-qamar ga.e

ye jazb ye kashish thī ki shām-o-sahar ga.e

sāmān vaale le ke jo zād-e-safar ga.e

'ājiz tumhārī raah meñ be-bāl-o-par ga.e

dozaḳh hamāre sīna-e-sozāñ se dab ga.ī

gesū jo tere rū-e-havā par bikhar ga.e

maidān-e-rast-ḳhez meñ har sū ye shor hai

koī batā de shāfe'-e-mahshar kidhar ga.e

jam jaa.e ruḳh pe ḳhāk-e-qadam is ġharaz se ham

us āstāñ ke sajda ko bā-chashm-e-tar ga.e

ham nazar-e-rū-numā.ī dildār ke liye

duniyā se le ke tohfa-e-zakHm-e-jigar ga.e

kyā ham se pūchhte ho ki 'fazlī' kidhar ga.e

us ne hameñ jidhar se pukārā udhar ga.e

us aastan ke sajde ko shams-o-qamar gae

ye jazb ye kashish thi ki sham-o-sahar gae

saman wale le ke jo zad-e-safar gae

'ajiz tumhaari rah mein be-baal-o-par gae

dozaKH hamare sina-e-sozan se dab gai

gesu jo tere ru-e-hawa par bikhar gae

maidan-e-rast-KHez mein har su ye shor hai

koi bata de shafe'-e-mahshar kidhar gae

jam jae ruKH pe KHak-e-qadam is gharaz se hum

us aastan ke sajda ko ba-chashm-e-tar gae

hum nazar-e-ru-numai dildar ke liye

duniya se le ke tohfa-e-zakHm-e-jigar gae

kya hum se puchhte ho ki 'fazli' kidhar gae

us ne hamein jidhar se pukara udhar gae