qaul-o-qarar teri KHatir se manta hun

qaul-o-qarār terī ḳhātir se māntā huuñ

varna ye jhūTī bāteñ maiñ ḳhuub jāntā huuñ

dil bas-ki hai muQaddar gardish se is falak kī

sā'at kā jab se shīsha maiñ ḳhaak chhāntā huuñ

nāseh dimāġh-sozī be-fā.ida hai terī

karatā huuñ baat maiñ vo jo dil meñ Thāntā huuñ

kuchh bul-'ajab nahīñ hai nargis agar kare gul

ye musht-e-ḳhāk apne aañsū se sāntā huuñ

ai 'ishq tū jagā rah shab ho ga.ī hai āḳhir

chādar ko niiñd kī le maiñ sar pe tāntā huuñ

qaul-o-qarar teri KHatir se manta hun

warna ye jhuTi baaten main KHub jaanta hun

dil bas-ki hai muQaddar gardish se is falak ki

sa'at ka jab se shisha main KHak chhanta hun

naseh dimagh-sozi be-faida hai teri

karata hun baat main wo jo dil mein Thanta hun

kuchh bul-'ajab nahin hai nargis agar kare gul

ye musht-e-KHak apne aansu se santa hun

ai 'ishq tu jaga rah shab ho gai hai aaKHir

chadar ko nind ki le main sar pe tanta hun