main pi ke aaya hun mai-kade se wo shaiKH tha tishna-kaam aaya

maiñ pī ke aayā huuñ mai-kade se vo shaiḳh thā tishna-kām aayā

na mere hissa meñ pyaas aa.ī na us ke hissa meñ jaam aayā

nigāh-e-zāhid jidhar se uTThī udhar se gardish meñ jaam aayā

tamām mai-kash pukār uTThe vo mai-kade kā imaam aayā

'ajīb hai kashmakash kā 'ālam ye kaisā nāzuk maqām aayā

idhar qazā ne mujhe pukārā udhar tumhārā salām aayā

luTā mirā kārvān-e-ulfat huā hai sabr-o-qarār ruḳhsat

merī nazar jis kī muntazir thī na sub.h aayā na shaam aayā

ye falsafa aaj dil ne samjhā diyā mujhe dil hī dil-lagī meñ

batā tū ai dil ke rone vaale ye dil hai dil kis ke kaam aayā

vo rāhī-e-shām-e-ġham bhī dekhe jo pahuñche haiñ sub.h-e-ārzū tak

ka.ī hue nazr-e-sust-gāmī kahīñ koī tez-gām aayā

ye kaisā ilzām sar pe sayyād ke rakkhā ahl-e-gulistāñ ne

jise thā hirs-o-havas ne gherā vo ḳhud-baḳhud zer-e-dām aayā

vo jis ke dam se sañvar ga.e haiñ hazāroñ ġham-āshnā muqaddar

vo qur’a-e-nek-e-fāl kahiye na aaj tak mere naam aayā

ye hai mirā tajraba ai 'qaisar' hai apne matlab kī yaar duniyā

sharīk-e-rāhat mile hazāroñ na koī mushkil meñ kaam aayā

main pi ke aaya hun mai-kade se wo shaiKH tha tishna-kaam aaya

na mere hissa mein pyas aai na us ke hissa mein jam aaya

nigah-e-zahid jidhar se uTThi udhar se gardish mein jam aaya

tamam mai-kash pukar uTThe wo mai-kade ka imam aaya

'ajib hai kashmakash ka 'alam ye kaisa nazuk maqam aaya

idhar qaza ne mujhe pukara udhar tumhaara salam aaya

luTa mera karwan-e-ulfat hua hai sabr-o-qarar ruKHsat

meri nazar jis ki muntazir thi na subh aaya na sham aaya

ye falsafa aaj dil ne samjha diya mujhe dil hi dil-lagi mein

bata tu ai dil ke rone wale ye dil hai dil kis ke kaam aaya

wo rahi-e-sham-e-gham bhi dekhe jo pahunche hain subh-e-arzu tak

kai hue nazr-e-sust-gami kahin koi tez-gam aaya

ye kaisa ilzam sar pe sayyaad ke rakkha ahl-e-gulistan ne

jise tha hirs-o-hawas ne ghera wo KHud-baKHud zer-e-dam aaya

wo jis ke dam se sanwar gae hain hazaron gham-ashna muqaddar

wo qur’a-e-nek-e-fal kahiye na aaj tak mere nam aaya

ye hai mera tajraba ai 'qaisar' hai apne matlab ki yar duniya

sharik-e-rahat mile hazaron na koi mushkil mein kaam aaya