rakhun kis bina par aashiyan ki nigah-e-sharar ka bharosa nahin hai

rakhūñ kis binā par āshiyāñ kī nigāh-e-sharar kā bharosa nahīñ hai

bane kyuuñ na āvārgī us kī qismat jise apne ghar kā bharosa nahīñ hai

kabhī multafit hai kisī vaqt braham mujhe us nazar kā bharosa nahīñ hai

ye daur-e-qayāmat nahīñ hai to kyā hai bashar ko bashar kā bharosa nahīñ hai

sar-e-bazm ifshā na ho rāz-e-ulfat nahīñ chashm-e-tar kā bharosa nahīñ hai

dil-e-mo'tabar meñ ġham-e-muḳhtasar hai dil-e-mo'tabar kā bharosa nahīñ hai

ye me’yār-e-husn-e-’aqīdat to dekho yaqīñ-dar-yaqīñ par jiye jā rahā hū

du'āon pe hai e'timād-e-mukammal ye maanā asar kā bharosa nahīñ hai

huī rā.egāñ sa'ī-e-paiham na pūchho merī hasratoñ kā janāza uThā hai

vahāñ le ke aa.ī tamannā-e-manzil jahāñ rah guzar kā bharosa nahīñ hai

liye to chalā hai mujhe saath apne ba-sad ishtiyāq-o-ḳhulūs-o-mohabbat

na jaane kahāñ chhoḌ de saath merā mujhe rāhbar kā bharosa nahīñ hai

na rusvā ho zauq-e-namāz-e-mohabbat hai Dar rā.egāñ ho na ulfat ke sajde

terā aur yaqīnan terā dar rahegā mujhe apne sar sir bharosā bharosa nahīñ hai

har ek saañs par hai gumāñ āḳhirī hai na pūchho 'ajab 'ālam jāñkanī hai

batā.ūñ maiñ kyā hāl-e-bīmār-e-ulfat samajh lo sahar kā bharosa nahīñ hai

maiñ fankār huuñ shā.irī merā fan hai markaz-e-tavajjoh kā dil kī lagan hai

fidā.ī huuñ 'ilm-o-hunar kā ai 'qaisar' mujhe sīm-o-zar kā bharosa nahīñ hai

rakhun kis bina par aashiyan ki nigah-e-sharar ka bharosa nahin hai

bane kyun na aawargi us ki qismat jise apne ghar ka bharosa nahin hai

kabhi multafit hai kisi waqt braham mujhe us nazar ka bharosa nahin hai

ye daur-e-qayamat nahin hai to kya hai bashar ko bashar ka bharosa nahin hai

sar-e-bazm ifsha na ho raaz-e-ulfat nahin chashm-e-tar ka bharosa nahin hai

dil-e-mo'tabar mein gham-e-muKHtasar hai dil-e-mo'tabar ka bharosa nahin hai

ye me’yar-e-husn-e-’aqidat to dekho yaqin-dar-yaqin par jiye ja raha hu

du'aon pe hai e'timad-e-mukammal ye mana asar ka bharosa nahin hai

hui raegan sa'i-e-paiham na puchho meri hasraton ka janaza uTha hai

wahan le ke aai tamanna-e-manzil jahan rah guzar ka bharosa nahin hai

liye to chala hai mujhe sath apne ba-sad ishtiyaq-o-KHulus-o-mohabbat

na jaane kahan chhoD de sath mera mujhe rahbar ka bharosa nahin hai

na ruswa ho zauq-e-namaz-e-mohabbat hai Dar raegan ho na ulfat ke sajde

tera aur yaqinan tera dar rahega mujhe apne sar sir bharosa bharosa nahin hai

har ek sans par hai guman aaKHiri hai na puchho 'ajab 'alam jaankani hai

bataun main kya haal-e-bimar-e-ulfat samajh lo sahar ka bharosa nahin hai

main fankar hun shairi mera fan hai markaz-e-tawajjoh ka dil ki lagan hai

fidai hun 'ilm-o-hunar ka ai 'qaisar' mujhe sim-o-zar ka bharosa nahin hai