ab na tum gardish-e-haalat par tanqid karo

ab na tum gardish-e-hālāt par tanqīd karo

ho sake to mere jazbāt par tanqīd karo

maiñ ne dushman ko bhī dushman nahīñ samjhā ab tak

dosto mere ḳhayālāt pe tanqīd karo

merī har baat meñ hai baat zamāne bhar kī

aao samjho merī har baat pe tanqīd karo

hijr kī raat abhī tum ne kahāñ dekhī hai

raat kaT jaa.e to us raat pe tanqīd karo

pahle tum mere fasāne kī haqīqat samjho

baa'd meñ saarī hikāyāt pe tanqīd karo

ye to sach hai tumheñ tanqīd kā haq hai lekin

ḳhud ko samjho to merī zaat pe tanqīd karo

ho sake tum se to tahzīb-o-tamaddun kī qasam

aaj kī 'aam rivāyāt par tanqīd karo

is ta'assub ke añdheroñ se to niklo bāhar

phir kabhī din to kabhī raat pe tanqīd karo

pahle ahkām-e-mashīyyat ko samajh kar 'qaisar'

ḳhuld aur ḳhuld kī sauġhāt pe tanqīd karo

ab na tum gardish-e-haalat par tanqid karo

ho sake to mere jazbaat par tanqid karo

main ne dushman ko bhi dushman nahin samjha ab tak

dosto mere KHayalat pe tanqid karo

meri har baat mein hai baat zamane bhar ki

aao samjho meri har baat pe tanqid karo

hijr ki raat abhi tum ne kahan dekhi hai

raat kaT jae to us raat pe tanqid karo

pahle tum mere fasane ki haqiqat samjho

ba'd mein sari hikayat pe tanqid karo

ye to sach hai tumhein tanqid ka haq hai lekin

KHud ko samjho to meri zat pe tanqid karo

ho sake tum se to tahzib-o-tamaddun ki qasam

aaj ki 'am riwayat par tanqid karo

is ta'assub ke andheron se to niklo bahar

phir kabhi din to kabhi raat pe tanqid karo

pahle ahkaam-e-mashiyyat ko samajh kar 'qaisar'

KHuld aur KHuld ki saughat pe tanqid karo