ishq sarmasti-e-shorida sari bhul gaya

'ishq sarmastī-e-shorīda sarī bhuul gayā

yā bashar rāz-e-’urūj-e-basharī bhuul gayā

shal huā dast-e-junoñ parda-darī bhuul gayā

dīda-dar zo’m-e-vasī’unnazarī bhuul gayā

ye bhī e’ajāz-e-qafas hai ki asīr-e-tāza

ḳhud-ba-ḳhud sadma-e-be-bāl-o-parī bhuul gayā

ġham kā bīmār zarā der kī rāhat ke liye

kaif afzā.ī-e-dar-o-jigarī bhuul gayā

ḳhud-farebī kī havāoñ ne kiyā aisā ḳharāb

gul bhī ehsān-e-nasīm-e-saharī bhuul gayā

chhīn lī tāb-e-bayāñ dil se 'atā-e-ġham ne

rāz-dāñ bante hī afsāna-garī bhuul gayā

husn-e-zāhir kī tajallī meñ ga.ī Duub nazar

dīda-e-fikr-e-haqīqat-nigrī bhuul gayā

apnī aahoñ ko 'atā karnā asar kī tāqat

ḳhud giraftār-e-ġham-e-be-asrī bhuul gayā

asar-e-sadma-e-furqat ko na ab DhūñDh 'niyāz'

sāhab-e-ġham hī vo hirmāñ-nazarī bhuul gayā

'ishq sarmasti-e-shorida sari bhul gaya

ya bashar raaz-e-’uruj-e-bashari bhul gaya

shal hua dast-e-junon parda-dari bhul gaya

dida-dar zo’m-e-wasi’unnazari bhul gaya

ye bhi e’ajaz-e-qafas hai ki asir-e-taza

KHud-ba-KHud sadma-e-be-baal-o-pari bhul gaya

gham ka bimar zara der ki rahat ke liye

kaif afzai-e-dar-o-jigari bhul gaya

KHud-farebi ki hawaon ne kiya aisa KHarab

gul bhi ehsan-e-nasim-e-sahari bhul gaya

chhin li tab-e-bayan dil se 'ata-e-gham ne

raaz-dan bante hi afsana-gari bhul gaya

husn-e-zahir ki tajalli mein gai Dub nazar

dida-e-fikr-e-haqiqat-nigri bhul gaya

apni aahon ko 'ata karna asar ki taqat

KHud giraftar-e-gham-e-be-asri bhul gaya

asar-e-sadma-e-furqat ko na ab DhunDh 'niyaz'

sahab-e-gham hi wo hirman-nazari bhul gaya