na taDap hai barq-e-jamal mein na chamak hai chilman-e-naz mein

na taḌap hai barq-e-jamāl meñ na chamak hai chilman-e-nāz meñ

haiñ tamām husn kī tābisheñ mirī chashm-e-jalva-e-navāz meñ

are mā-sivā meñ kahāñ bhalā jo sivā meñ husn hai jalva-zā

hai sanam-kada sā basā huā dil-e-āshnā-e-majāz meñ

mire chāra-gar na fareb khā ki sukūn-e-dard hai jalva-zā

vahī shām-e-ġham hai ravāñ-davāñ mirī sub.h-e-hashr-e-tarāz meñ

jo asīr-e-sahr-e-hayāt hai to ḳhirad kī lauh se kaam le

tirī zindagī kī haqīqateñ haiñ nihāñ tilism-e-majāz meñ

pas-e-be-ḳhudī to chalā bhī chal ki ḳhudī kī duur haiñ manzileñ

abhī ai musāfir-e-zindagī na ulajh nasheb-o-farāz meñ

tū damak ke zarra-e-be-kHirad na mirī nazar ko fareb de

vo chamak ke tujh meñ karegā kyā jo nihāñ hai parda-e-rāz meñ

mirī ḳhush-navā.ī kī jaan hai mere dost naġhma-e-’āshiqī

nahīñ varna aisī halāvateñ haiñ kahāñ 'niyāz' ke saaz meñ

na taDap hai barq-e-jamal mein na chamak hai chilman-e-naz mein

hain tamam husn ki tabishen meri chashm-e-jalwa-e-nawaz mein

are ma-siwa mein kahan bhala jo siwa mein husn hai jalwa-za

hai sanam-kada sa basa hua dil-e-ashna-e-majaz mein

mere chaara-gar na fareb kha ki sukun-e-dard hai jalwa-za

wahi sham-e-gham hai rawan-dawan meri subh-e-hashr-e-taraaz mein

jo asir-e-sahr-e-hayat hai to KHirad ki lauh se kaam le

teri zindagi ki haqiqaten hain nihan tilism-e-majaz mein

pas-e-be-KHudi to chala bhi chal ki KHudi ki dur hain manzilen

abhi ai musafir-e-zindagi na ulajh nasheb-o-faraaz mein

tu damak ke zarra-e-be-kHirad na meri nazar ko fareb de

wo chamak ke tujh mein karega kya jo nihan hai parda-e-raaz mein

meri KHush-nawai ki jaan hai mere dost naghma-e-’ashiqi

nahin warna aisi halawaten hain kahan 'niyaz' ke saz mein