bahaaron mein raha karata hai un ka intizar ab bhi

bahāroñ meñ rahā karatā hai un kā intizār ab bhī

vo aa jaa.eñ bayābānoñ meñ to aa jaa.e bahār ab bhī

dar-o-dīvār zindāñ par haiñ kuchh naqsh-o-nigār ab bhī

bahār ab miT chukī baaqī hai tasvīr-e-bahār ab bhī

bhalā kyuuñ kar na ab bhī mujh ko un kā e'tibār aa.e

vo kahte haiñ nahīñ hai tum ko merā e'tibār ab bhī

merī āñkhoñ meñ aañsū haiñ tabassum un ke hoñToñ par

ḳhizāñ apnī jagah apne Thikāne hai bahār ab bhī

nahīñ mā'lūm kis kā intizār is dil ko rahtā hai

magar is dil ko rahtā hai kisī kā intizār ab bhī

koī miltā to itnā pūchh lete un se ai 'nāzir'

hamārā zikr karte haiñ hamāre ġham-gusār ab bhī

bahaaron mein raha karata hai un ka intizar ab bhi

wo aa jaen bayabanon mein to aa jae bahaar ab bhi

dar-o-diwar zindan par hain kuchh naqsh-o-nigar ab bhi

bahaar ab miT chuki baqi hai taswir-e-bahaar ab bhi

bhala kyun kar na ab bhi mujh ko un ka e'tibar aae

wo kahte hain nahin hai tum ko mera e'tibar ab bhi

meri aankhon mein aansu hain tabassum un ke honTon par

KHizan apni jagah apne Thikane hai bahaar ab bhi

nahin ma'lum kis ka intizar is dil ko rahta hai

magar is dil ko rahta hai kisi ka intizar ab bhi

koi milta to itna puchh lete un se ai 'nazir'

hamara zikr karte hain hamare gham-gusar ab bhi