himmat-e-mardana hum hain raunaq-e-mai-KHana hum

himmat-e-mardāna ham haiñ raunaq-e-mai-ḳhāna ham

aa.e haiñ maqtal meñ bhī bā-shaukat-e-shāhāna ham

pul-sirāt-e-'ahd-e-daurāñ hai pe haq par gāmzan

yā husainā kī sadā pe nāra-e-mastāna ham

marg kā kuchh ḳhauf hai kyā 'āshiqoñ ko ab tire

shauq se rakhte haiñ ḳhanjar pe dil-e-dīvāna ham

dekhnā un ko hai goyā dekhnā sarkār ko

is liye takte rahe haiñ nargis-e-mastāna ham

'ishq-e-ahl-e-bait hai 'ashraf' ki ik raushan charāġh

tauf karte gird jis ke sūrat-e-parvāna ham

himmat-e-mardana hum hain raunaq-e-mai-KHana hum

aae hain maqtal mein bhi ba-shaukat-e-shahana hum

pul-siraat-e-'ahd-e-dauran hai pe haq par gamzan

ya husaina ki sada pe nara-e-mastana hum

marg ka kuchh KHauf hai kya 'ashiqon ko ab tere

shauq se rakhte hain KHanjar pe dil-e-diwana hum

dekhna un ko hai goya dekhna sarkar ko

is liye takte rahe hain nargis-e-mastana hum

'ishq-e-ahl-e-bait hai 'ashraf' ki ek raushan charagh

tauf karte gird jis ke surat-e-parwana hum