makin jis mein ho ho phir us makan se KHak hasil hai

makīñ jis meñ ho ho phir us makāñ se ḳhaak hāsil hai

terī ulfat se jo ḳhālī hai vo dil bhī koī dil hai

nahīñ go aaj ārā.ish se mohlat aap ko lekin

hamārī dāstān-e-ġham kabhī sunñe ke qābil hai

tere jaur-o-jafā se ham ne jab dekhā yahī dekhā

koī āfat-rasīda hai sitam-dīda koī dil hai

nigah se jo vahāñ dekhā zabāñ se kah nahīñ saktā

agar pūchhe koī mujh se ki kaisā rañg-e-mahfil hai

'adū kī dushmanī jis meñ nahīñ vo merā siina hai

nahīñ hai dost ki jis meñ jagah vo aap kā dil hai

sabab se ro'b ke karte haiñ bāteñ sab ishāroñ meñ

tumhārī bazm goyā āj-kal gūñgoñ kī mahfil hai

kahāñ haiñ shoḳhiyāñ un kī haTā deñ is ghaḌī 'afzal'

hayā kambaḳht kā parda shab-e-vaslat jo haa.il hai

makin jis mein ho ho phir us makan se KHak hasil hai

teri ulfat se jo KHali hai wo dil bhi koi dil hai

nahin go aaj aaraish se mohlat aap ko lekin

hamari dastan-e-gham kabhi sunne ke qabil hai

tere jaur-o-jafa se hum ne jab dekha yahi dekha

koi aafat-rasida hai sitam-dida koi dil hai

nigah se jo wahan dekha zaban se kah nahin sakta

agar puchhe koi mujh se ki kaisa rang-e-mahfil hai

'adu ki dushmani jis mein nahin wo mera sina hai

nahin hai dost ki jis mein jagah wo aap ka dil hai

sabab se ro'b ke karte hain baaten sab ishaaron mein

tumhaari bazm goya aaj-kal gungon ki mahfil hai

kahan hain shoKHiyan un ki haTa den is ghaDi 'afzal'

haya kambaKHt ka parda shab-e-waslat jo hail hai