tujhi se teri hi hamd-e-bari dahan ye tera zaban teri

tujhī se terī hī hamd-e-bārī dahan ye terā zabān terī

terā 'atiyya hai nutq apnā ye jism terā ye jaan terī

nafakHtu-fīhi kahā hai kis ne va-kuntu-kanzan batāyā kis ne

ye ruuh tan meñ basāyā kis ne hamāre aaqā hai shaan terī

jamāl kis kā thā tūr-e-ūpar pahāḌ surma banā hai kyūñ-kar

vo nuur kis kā thā shaan terī vo nuur kis kā thā shaan terī

bulāyā kis ne falak ke uupar jahāñ haiñ jalte gumān ke par

tirī hai qudrat tirī 'ināyat ye aaqā sab kuchh hai maan terī

vo sajda aadam ko kyuuñ kiyā thā farishta paakī jo nuur se thā

ye putlā ḳhākī ko rutba kaisā 'ināyateñ haiñ sub.hān terī

vo pheñkā bhālā to tū ye bolā ki mā-ramaita ramaita anā

ahad se ahmad kā milne jaanā yahī to rabbī hai shaan terī

tujhī se terī hai chaah mujh ko tujhī se terī panāh mujh ko

tujhī se milnī hai raah mujh ko ḳhudāyā mere amaan terī

ye jism ḳhākī ho nuur terā jahāñ se jis dam uThe baserā

ye bulbul-e-jāñ taḌap-taḌap kar kahe ‘faqīrā’ hai jaan terī

tujhi se teri hi hamd-e-bari dahan ye tera zaban teri

tera 'atiyya hai nutq apna ye jism tera ye jaan teri

nafakHtu-fihi kaha hai kis ne wa-kuntu-kanzan bataya kis ne

ye ruh tan mein basaya kis ne hamare aaqa hai shan teri

jamal kis ka tha tur-e-upar pahaD surma bana hai kyun-kar

wo nur kis ka tha shan teri wo nur kis ka tha shan teri

bulaya kis ne falak ke upar jahan hain jalte guman ke par

teri hai qudrat teri 'inayat ye aaqa sab kuchh hai man teri

wo sajda aadam ko kyun kiya tha farishta paki jo nur se tha

ye putla KHaki ko rutba kaisa 'inayaten hain subhan teri

wo phenka bhaala to tu ye bola ki ma-ramaita ramaita ana

ahad se ahmad ka milne jaana yahi to rabbi hai shan teri

tujhi se teri hai chah mujh ko tujhi se teri panah mujh ko

tujhi se milni hai rah mujh ko KHudaya mere aman teri

ye jism KHaki ho nur tera jahan se jis dam uThe basera

ye bulbul-e-jaan taDap-taDap kar kahe ‘faqira’ hai jaan teri